/
 

Ungmennafélagið Afturelding

Innan vébanda Aftureldingar starfa tíu deildir sem bjóða upp á metnaðarfullt starf, hver á sínu sviði, þar sem unnið er að markmiðum félagsins sem felast annars vegar í uppeldis- og lýðheilsustefnu þess og hins vegar í afreks- og keppnisstefnu félagsins. Afturelding gegnir mikilvægri samfélagsþjónustu í Mosfellsbæ og  hefur heilsu allra aldurshópa í Mosfellsbæ að leiðarljósi með því að hvetja til og standa fyrir heilbrigðri afþreyingu í formi íþrótta og hreyfingar ásamt því að glæða daglegt líf íbúa í sveitarfélaginu uppbyggilegu og heilbrigðu félagsstarfi.

 

Fundur um íþróttamál í Hlégarði 15. maí

 

Ungmennafélagið Afturelding mun standa fyrir opnum fundi um íþróttamál í Mosfellsbæ þriðjudaginn 15. maí næstkomandi í Hlégarði. Fundurinn hefst kl. 20.00 og er allt áhugafólk um íþróttamál í Mosfellsbæ sérstaklega hvatt til að mæta.

Fulltrúar allra þeirra framboða, sem verða í framboði til sveitarstjórnarkosninga í Mosfellsbæ síðar í maí, munu taka þátt í fundinum. Fundargestum mun gefast tækifæri til að spyrja frambjóðendur um þeirra markmið og sýn á íþróttalífið í Mosfellsbæ til næstu ára.

Fundarstjóri verður Auður Inga Þorsteinsdóttir, framkvæmdastjóri UMFÍ.

Hvetjum Mosfellinga alla til að mæta til fundarins og taka þátt í því að gera góðan íþróttabæ enn betri.