/
Back to homepage
 

Ungmennafélagið Afturelding

Innan vébanda Aftureldingar starfa tíu deildir sem bjóða upp á metnaðarfullt starf, hver á sínu sviði, þar sem unnið er að markmiðum félagsins sem felast annars vegar í uppeldis- og lýðheilsustefnu þess og hins vegar í afreks- og keppnisstefnu félagsins. Afturelding gegnir mikilvægri samfélagsþjónustu í Mosfellsbæ og  hefur heilsu allra aldurshópa í Mosfellsbæ að leiðarljósi með því að hvetja til og standa fyrir heilbrigðri afþreyingu í formi íþrótta og hreyfingar ásamt því að glæða daglegt líf íbúa í sveitarfélaginu uppbyggilegu og heilbrigðu félagsstarfi.

 

Landsmót 50+ 2012 í Mosfellsbæ

Undirbúningur er hafinn fyrir Landsmót 50+ sem haldið verður í annað sinn næsta sumar í Mosfellsbæ í samstarfi UMFÍ, Aftureldingar og fleiri aðila.

 

Ákveðið hefur verið að 2. Landsmót 50+ verði haldið í Mosfellsbæ helgina 8.-10. júní 2012. Mótið verður samstarfsverkefni UMFÍ, Aftureldingar, Mosfellsbæjar og fleiri aðila. Landsmótsnefnd hefur verið skipuð og hefur hún þegar hafið störf. Fulltrúar  Aftureldingar í Landsmótsnefnd eru Guðjón Helgason, varaformaður aðalstjórnar Aftureldingar og Helga Jóhannesdóttir gjaldkeri aðalstjórnar. Helga gegnir einnig starfi gjaldkera Landsmótsnefndar.

Aftur í fréttayfirlit