/
 

Ungmennafélagið Afturelding

Innan vébanda Aftureldingar starfa tíu deildir sem bjóða upp á metnaðarfullt starf, hver á sínu sviði, þar sem unnið er að markmiðum félagsins sem felast annars vegar í uppeldis- og lýðheilsustefnu þess og hins vegar í afreks- og keppnisstefnu félagsins. Afturelding gegnir mikilvægri samfélagsþjónustu í Mosfellsbæ og  hefur heilsu allra aldurshópa í Mosfellsbæ að leiðarljósi með því að hvetja til og standa fyrir heilbrigðri afþreyingu í formi íþrótta og hreyfingar ásamt því að glæða daglegt líf íbúa í sveitarfélaginu uppbyggilegu og heilbrigðu félagsstarfi.

 

Úthlutun sjóða

 

Nú fer að líða að úthlutun úr tveimur sjóðum hjá okkur í Aftureldingu. Annars vegar er það Minningarsjóður Guðfinnu Júlíusdóttur og hins vegar er það Afreks- og styrktarsjóður Aftureldingar og Mosfellbæjar.


Tekið er við umsóknum til miðnættis 4. desember 2017. Úthlutun fer fram í janúar 2018. Upplýsingar um sjóðina má finna á heimasíðu Aftureldingar, www.afturelding.is

 

Minningarsjóður Guðfinnu Júlíusdóttur.

Tilgangur sjóðsins er að styrkja starfsemi yngri flokka, styrkja efnaminni leikmenn til þátttöku og veita leikmönnum yngri flokka Ungmennafélagsins Aftureldingar ferðastyrki til keppnisferða eða þjálfunarferða á vegum Aftureldingar

Styrkir til einstaklinga vegna sérstakra aðstæðna geta tekið yfir æfingagjöld og annan kostnað við þátttöku í íþróttinni.

http://afturelding.is/fileadmin/user_upload/Stjorn_UMFA/Minningarsjodur_GJogAJ/Umsoknarbl-minningas..pdf

 

Afreks- og styrktarsjóður Aftureldingar og Mosfellsbæjar

Tilgangur sjóðins eru þríþættur:

  1. Veita afreksfólki í deildum innan Aftureldingar styrk vegna æfinga og/eða keppni og búa þeim sem besta aðstöðu til að stunda íþrótt sína.
  2. Veita styrk til þess íþróttafólks sem valið er til æfinga eða keppni með landsliði innan sérsambanda ÍSÍ.
  3. Veita þjálfurum og leiðbeinendum sem starfa á vegum Aftureldingar styrk til að sækja viðurkennd þjálfaranámskeið og/eða aðra menntun sem eflir þá í starfi.

 

http://afturelding.is/fileadmin/user_upload/Stjorn_UMFA/Afrekssjodur/Umsoknarblad_afrekssjodur.pdf