/
 

Ungmennafélagið Afturelding

Innan vébanda Aftureldingar starfa tíu deildir sem bjóða upp á metnaðarfullt starf, hver á sínu sviði, þar sem unnið er að markmiðum félagsins sem felast annars vegar í uppeldis- og lýðheilsustefnu þess og hins vegar í afreks- og keppnisstefnu félagsins. Afturelding gegnir mikilvægri samfélagsþjónustu í Mosfellsbæ og  hefur heilsu allra aldurshópa í Mosfellsbæ að leiðarljósi með því að hvetja til og standa fyrir heilbrigðri afþreyingu í formi íþrótta og hreyfingar ásamt því að glæða daglegt líf íbúa í sveitarfélaginu uppbyggilegu og heilbrigðu félagsstarfi.

 

Tryggingamál iðkenda

Meginreglan er að iðkendur UMF Aftureldingar eru ekki tryggðir á vegum félagsins þó þeir stundi æfingar og keppni á vegum þess. Iðkendur félagsins kunna að eiga rétt til bóta úr íþróttaslysasjóði ÍSÍ sbr. reglugerð sambandsins um sjóðinn (www.isi.is) eða frá Tryggingastofnun ríkisins sbr. reglugerð Heilbrigðis- og tryggingaráðuneytisins frá 2002 (www.tr.is).  

Iðkendur eða forráðamenn þeirra bera sjálfir ábyrgð á að afla tilskilinna gagna. Nauðsynleg eyðublöð fyrir tilkynningu er hægt að nálgast á heimasíðu ÍSÍ undir Íþróttaslysasjóður. Aðstoð við útfyllingu og frágang skjala er hægt að fá á skrifstofu Aftureldingar.

Eftirfarandi á við samningsbundna leikmenn meistaraflokka.

UMF Afturelding greiðir sjúkrakostnað samningsbundinna leikmanna meistaraflokka með eftirfarandi hætti:
Leikmenn annast sjálfir öll samskipti við íþróttaslysasjóð ÍSÍ og sækja í sjóðinn endurgreiðslur vegna sjúkrakostnaðar skv. gildandi reglum sjóðsins á hverjum tíma. Sjóðurinn greiðir tiltekið hlutfall kostnaðar (80% í janúar 2017) gegn framvísun fullnægjandi gagna.

Eftirfandi fæst endurgreitt að hluta hjá ÍSÍ gegn framvísun frumrits reiknings:
- læknisviðtöl 
- myndataka
- segulómun
- aðgerðir
- komu og endurkomu á slysadeild
- sjúkraþjálfun (verður að fylgja beiðni læknis)

Sækja þarf um innan 12 mánaða eftir að slysið á sér stað. Það þarf að fylla út umsókn varðandi hvert slys.  Eyðublaðið er m.a. að finna á heimasíðu ÍSÍ, www.isi.is undir liðnum Íþróttaslys.

Ef lækniskostnaður (læknisviðtöl, myndatökur, ómun, aðgerðir) er kominn yfir kr. 28.000 á sama almanaksári þá stofnast inneign hjá Sjúkratryggingum Íslands vegna hluta kostnaðar yfir 28.000 kr. Í þeim tilfellum þá þarf að fylgja málinu afrit af greiðsluyfirliti frá Sjúkratrygginum Íslands þar sem fram kemur upphæð inneignar/endurgreiðslu Sjúkratrygginga.

Hvað fæst EKKI endurgreitt hjá ÍSÍ
- kostnaður vegna sjúkrabíls eða flugfargjalda í tengslum við lænkisþjónustu
- lyfjakostnaður
- stoðtæki
- tannslys
- ÍSÍ tekur ekki þátt í kostnaði þjónustu sem ekki er niðurgreidd af Sjúkratryggingum Íslands. 

Reglugerð um sjóðinn er einnig að finna á heimasíðu ÍSÍ – það er alltaf gott að lesa hana yfir.

Hvernig þarf að bera sig að
Fylla út eyðublaðið og fá kvittun og stimpil hjá framkvæmdastjóra Aftureldingar (innan 12 mánaða). Afturelding sér um að senda eyðublaðið og öll nauðsynleg fylgigögn til ÍSÍ (ath. þessi gögn þurfa að vera frumrit). Þegar tilkynning um inngreiðslu frá ÍSÍ kemur frá bankanum þarf að hafa samband við ÍSÍ og óska eftir kvittun/sundurliðun á uppgjörinu.

Þægilegast að fá þetta í tölvupósti. 

- Þessa sundurliðun (þar sem fram koma eftirstöðvar o.fl.) þarf að áframsenda á Aftureldingu bokari(at)afturelding.is ásamt reikningsupplýsingum fyrir innileggi (banki-hb-reikningsnúmer og kt.eiganda).
- Afturelding greiðir þann hluta sjúkrakostnaðar sem ÍSÍ greiðir ekki, þó þannig að Afturelding greiðir ekki frekar en ÍSÍ fyrir lyf, stoðtæki eða tannslys.

ATH ofangreindar reglur gilda einungis um samningsbundna leikmenn meistaraflokka Aftureldingar. Afturelding tekur ekki þátt í sjúkrakostnaði annarra iðkenda.