Ungmennafélagið Afturelding
Blakdeildin heldur úti æfingum fyrir iðkendur á öllum aldri: Krakkablak fyrir börn, meistaraflokkar fyrir keppnisfólk og trimmhópar fyrir þá sem eru styttra á veg komnir í íþróttinni, bæði í karla- og kvennaflokkum. Afturelding býður eina bestu aðstöðu landsins til blakiðkunar og er hægt að setja upp 9 blakvelli í fullri stærð eða 19 krakkablaksvelli undir sama þaki. Einnig má nefna að Blakdeild Aftureldingar er eina deildin í landinu sem á blakvél til að aðstoða við æfingar. Blakdeildin býður einnig upp á strandblak og er strandblaksvöllurinn á útisvæðinu vel nýttur. Haustið 2011 komu til starfa reynslumiklir og metnaðarfullir þjálfarar sem þjálfa í öllum aldursflokkum og er framtíðin því björt hjá Blakdeild Aftureldingar.
Kristina Apostolva sem gekk til liðs við Aftureldingu ásamt foreldrum sínum og systur í sumar
er á leið á Norðurlandsmóiðt í blaki sem verður haldið í Færeyjum dagana 11-13 nóv. Þjálfari hópsins er þjálfari blakdeildar Aftureldingar, faðir Krissýar, Apostol Apostolov. Blakdeild Aftureldingar óskar Krissý og U-19 landsliðum Íslands góðs gengis á Norðurlandamótinu.