/
 

Blakdeild Aftureldingar býður börn og fullorðna velkomin!

Blakdeildin heldur úti æfingum fyrir iðkendur á öllum aldri:  Krakkablak fyrir börn, meistaraflokkar fyrir keppnisfólk  og trimmhópar fyrir þá sem eru styttra á veg komnir í íþróttinni, bæði í karla- og kvennaflokkum. Afturelding býður eina bestu aðstöðu landsins til blakiðkunar og er hægt að setja upp 9  blakvelli í fullri stærð eða 19 krakkablaksvelli undir sama þaki.  Einnig má nefna að Blakdeild Aftureldingar er eina deildin í landinu sem á blakvél til að aðstoða við æfingar. Blakdeildin býður einnig upp á strandblak og er strandblaksvöllurinn á útisvæðinu vel nýttur. Blakdeildin hefur þá eindregnu stefnu að ráða ávalt vel menntaða, reynslumikla og metnaðarfulla þálfara í öllum flokum.

 

Daníela og Valdís í úrtakshópi U17

 

Þjálfarateymi U17 stúlkna hefur valið 17 stúlkur í úrtakshóp í unglingalandslið U17 sem fer til Tékklands í byrjun janúar í Evrópumót. Tvær stúlkur úr Aftureldingu eru í hópnum.

Daniele Capriotti er yfirþjálfari kvennalandsliða og verður sjálfur aðalþjálfari þessa liðs sem fer til OLOMOUC í Tékklandi dagana 4.-8. janúar 2018. Erla Bjarný Jónsdóttir er aðstoðarþjálfari liðsins og hafa þau valið 17 leikmenn í úrtakshóp sem æfir nokkra daga fyrir jól. Lokahópurinn verður valinn fyrir jól. Í hópnum eru tvær stúlkur frá Blakdeild Aftureldingar.

Úrtakshópur U17 stúlkna
Daníela Grétarsdóttir, Afturelding
Valdís Unnur Einarsdóttir, Afturelding

U17 ára liðið er skipað leikmönnum fæddir 2002 og síðar en leikið er í riðlum í 2. umferð. Í riðli Íslands eru lið Spánar, Slóveníu og Tékklands. Allar upplýsingar um mótið má finna á heimasíðu Evrópusambandsins, CEV.lu.