/
Back to homepage
 

Blakdeild Aftureldingar býður börn og fullorðna velkomin!

Blakdeildin heldur úti æfingum fyrir iðkendur á öllum aldri:  Krakkablak fyrir börn, meistaraflokkar fyrir keppnisfólk  og trimmhópar fyrir þá sem eru styttra á veg komnir í íþróttinni, bæði í karla- og kvennaflokkum. Afturelding býður eina bestu aðstöðu landsins til blakiðkunar og er hægt að setja upp 9  blakvelli í fullri stærð eða 19 krakkablaksvelli undir sama þaki.  Einnig má nefna að Blakdeild Aftureldingar er eina deildin í landinu sem á blakvél til að aðstoða við æfingar. Blakdeildin býður einnig upp á strandblak og er strandblaksvöllurinn á útisvæðinu vel nýttur. Haustið 2011 komu til starfa reynslumiklir og metnaðarfullir þjálfarar sem þjálfa í öllum aldursflokkum og er framtíðin því björt hjá Blakdeild Aftureldingar.

 

Enn einn sigurinn í blakinu!

Afturelding gefur ekkert eftir og vann sannfærandi 3-0 sigur á Þrótti R. 3-0 (25-13, 25-19, 25-17). Blakkonur Aftureldingar er nú í 2. sæti Mikasadeildarinnar.

 

Liðin í 2. og 3.sæti í Mikasadeild kvenna, Afturelding og Þróttur Reykjavík mættust í hörkuleik að Varmá á föstudagskvöld. Afturelding vann leikinn sannfærandi 3-0 (25-13, 25-19, 25-17) en leikurinn stóð yfir í 64 mínútur.

Stigahæstar í liði Aftureldingar voru Miglena Apostolova með 13 stig og Velina Apostolova og Zaharina Filipova með 12 stig hvor.  Í liði Þróttar Reykjavíkur var Fjóla Rut Svavarsdóttir með 14 stig og Valdís Andrésdóttir með 5 stig.

Lið Aftureldingar gefur ekkert eftir í baráttunni um titilinn, eru í 2. sæti með 15 stig. Lið Þróttar R. heldur 3. sæti deildarinnar þar sem Ýmir tapaði í gær fyrir HK en fjögur efstu liðin hafa nú öll leikið sjö leiki. 

 

Aftur í fréttayfirlit