/
 

Blakdeild Aftureldingar býður börn og fullorðna velkomin!

Blakdeildin heldur úti æfingum fyrir iðkendur á öllum aldri:  Krakkablak fyrir börn, meistaraflokkar fyrir keppnisfólk  og trimmhópar fyrir þá sem eru styttra á veg komnir í íþróttinni, bæði í karla- og kvennaflokkum. Afturelding býður eina bestu aðstöðu landsins til blakiðkunar og er hægt að setja upp 9  blakvelli í fullri stærð eða 19 krakkablaksvelli undir sama þaki.  Einnig má nefna að Blakdeild Aftureldingar er eina deildin í landinu sem á blakvél til að aðstoða við æfingar. Blakdeildin býður einnig upp á strandblak og er strandblaksvöllurinn á útisvæðinu vel nýttur. Blakdeildin hefur þá eindregnu stefnu að ráða ávalt vel menntaða, reynslumikla og metnaðarfulla þálfara í öllum flokum.

 

María Rún í Aftureldingu

María Rún Karlsdóttir fyrirliði Þróttar Neskaupsstað í blaki mun leika með Aftureldingu næsta vetur og er ljóst að hún mun styrkja lið Aftureldingar töluvert.

 

María Rún hefur á síðustu árum verið lykilleikmaður Þróttar og fyrirliði liðsins og þeirra stigahæsti leikmaður undanfarin ár. María Rún hefur spilað með yngri landsliðum Íslands frá 14 ára aldri og hefur á undanförnum árum verið mikilvægur leikmaður í A-landsliði Íslands. María Rún er nýkrýndur Evrópumeistari Smáþjóða í blaki þar sem hún átti mjög góða leiki með íslenska landsliðinu.