/
Back to homepage
 

Blakdeild Aftureldingar býður börn og fullorðna velkomin!

Blakdeildin heldur úti æfingum fyrir iðkendur á öllum aldri:  Krakkablak fyrir börn, meistaraflokkar fyrir keppnisfólk  og trimmhópar fyrir þá sem eru styttra á veg komnir í íþróttinni, bæði í karla- og kvennaflokkum. Afturelding býður eina bestu aðstöðu landsins til blakiðkunar og er hægt að setja upp 9  blakvelli í fullri stærð eða 19 krakkablaksvelli undir sama þaki.  Einnig má nefna að Blakdeild Aftureldingar er eina deildin í landinu sem á blakvél til að aðstoða við æfingar. Blakdeildin býður einnig upp á strandblak og er strandblaksvöllurinn á útisvæðinu vel nýttur. Haustið 2011 komu til starfa reynslumiklir og metnaðarfullir þjálfarar sem þjálfa í öllum aldursflokkum og er framtíðin því björt hjá Blakdeild Aftureldingar.

 

Sigur hjá Aftureldingu

Afturelding tók á móti Ými úr Kópavogi að Varmá í kvöld í Mikasadeild kvenna í blaki. Afturelding vann sannfærandi sigur 3-0 (25-20, 25-19, 25-19). Zaharina Filipova og Miglena Apostolova fóru fyrir sínu liði og voru stigahæstar í kvöld með 11 stig hvor.

 

Í liði Ýmis var Birna Hallsdóttir stigahæst með 10 stig og næst stigahæst var Ásta Gylfadóttir með 8 stig.

Nokkur fjöldi áhorfenda mætti að Varmá auk þess sem leikurinn var sýndur beint á sporttv.is.  Með sigrinum skaust Afturelding úr 5. sæti upp í það þriðja.

Næsti heimaleikur verður að Varmá föstudaginn 9.desember kl 19 - sá leikur verður einnig sýndur beint á sporttv.is.

Aftur í fréttayfirlit