/
 

Velkomin á vef Fimleikadeildar Aftureldingar.

Fimleikadeildin býður þig hjartanlega velkominn á vef deildarinnar. Fimleikadeildin býður upp á svokallaða trompfimleika en þar keppa börn í liðum frá 10 ára aldri. Hjá deildinni æfa börn frá 3ja ára aldri en elstu iðkendurnir eru 16 ára. Lögð er áhersla á uppbyggilegar grunnæfingar fyrir yngstu iðkendurna og flóknari útfærslu fyrir þá sem lengra eru komnir. Fimleikar eru afar góður grunnur fyrir allar íþróttir en fyrir þá sem stefna á keppni í fimleikum er mikilvægt að byrja snemma að stunda íþróttina. Stjórn deildarinnar er stolt af því að hafa alið upp marga af þeim þjálfurum sem nú kenna við deildina. Með því hlúum við að Aftureldingarhjartanu í deildinni. Stærstur hluti þjálfara við deildina eru aldar upp hjá okkur og hafa byggt upp starfið í sjálfboðaliðavinnu auk þess að vinna fjölda sigra á mótum fyrir hönd félagsins. 

 

Æfingar falla niður mánudaginn 16. maí

 

Kæru foreldrar/forráðamenn,

Mánudagurinn 16. maí í næstu viku er annar í Hvítasunnu sem er almennur frídagur og þ.a.l. frí í skólum bæjarins. Íþróttahúsið að Varmá lokar einnig þann daginn kl 16:00. Engar æfingar eru því hjá Fimleikadeildinni næstkomandi mánudag.

Kær kveðja,

Stjórn og yfirþjálfarar Fimleikadeildar Aftureldingar