/
 

Velkomin á vef Fimleikadeildar Aftureldingar.

Fimleikadeildin býður þig hjartanlega velkominn á vef deildarinnar. Fimleikadeildin býður upp á svokallaða trompfimleika en þar keppa börn í liðum frá 10 ára aldri. Hjá deildinni æfa börn frá 3ja ára aldri en elstu iðkendurnir eru 16 ára. Lögð er áhersla á uppbyggilegar grunnæfingar fyrir yngstu iðkendurna og flóknari útfærslu fyrir þá sem lengra eru komnir. Fimleikar eru afar góður grunnur fyrir allar íþróttir en fyrir þá sem stefna á keppni í fimleikum er mikilvægt að byrja snemma að stunda íþróttina. Stjórn deildarinnar er stolt af því að hafa alið upp marga af þeim þjálfurum sem nú kenna við deildina. Með því hlúum við að Aftureldingarhjartanu í deildinni. Stærstur hluti þjálfara við deildina eru aldar upp hjá okkur og hafa byggt upp starfið í sjálfboðaliðavinnu auk þess að vinna fjölda sigra á mótum fyrir hönd félagsins. 

 

Fimleikar - Sumarönn 2017

 

Fimleikadeild Aftureldingar mun standa fyrir æfingum og námskeiði í sumar.

Önnin hefst fimmtudaginn 8. júní og lýkur þriðjudaginn 22. ágúst. Engar æfingar verða þó í júlí. Boðið verður upp á æfingar fyrir 6 ára börn og eldri.

Þetta er kjörið tækifæri fyrir fimleikakrakka að halda áfram æfingum yfir sumarið og koma vel undirbúin inn í haustönnina. Einnig er þetta tilvalið fyrir þá krakka sem ekki hafa æft fimleika áður að prófa íþróttina og undirbúa sig fyrir komandi fimleikaár. Engin krafa er að krakkar hafi æft fimleika eða aðra íþrótt áður á námskeiðinu eftir hádegi.

Anna Valdís Einarsdóttir mun halda utan um námskeiðið en henni til halds og traust verða aðrir fimleikaþjálfarar.

Sumrinu verður skipt í tvennt:

FYRIR HÁDEGI
Æfingar verða með sama sniði og á haust- og vorönn fyrir alla krakka fædda 2008 og eldri sem æft hafa fimleika áður.
Æft er 4x í viku, mánudaga-fimmtudaga og verður skipt eftir aldri. Æft er 2 klst í senn.
kl 9:00-11:00 - Æfingar fyrir iðkendur fædda 2005-2008
kl 11:00-13:00 – Æfingar fyrir iðkendur fædda 2004 og eldri

EFTIR HÁDEGI
Sumarnámskeið í boði með sama sniði og var í fyrra þar sem æfingar verða brotnar upp með ýmissi skemmtun á borð við leiki, útiveru, göngutúra og fleiru eftir veðri.
Fyrir alla krakka fædda 2010 og eldri. Námskeiðið verður alla virka daga frá kl 13:00-16:00.

Börn sem fædd eru 2011 og eru á leið í 1. bekk í haust eru velkomin í ágúst.

Frjálst er að skrá börn fædd 2008 og eldri bæði fyrir og eftir hádegi.

Athugið að takmarkaður fjöldi kemst að á námskeiðin.

VIKUR Í BOÐI
Vika 1 – 8-9. júní (1 dagur fyrir hádegi / 2 dagar eftir hádegi)
Vika 2 – 12-16. júní (full vika)
Vika 3 – 19.-23. júní (full vika)
Vika 4 – 26.-30. júní (full vika)
Vika 5 – 8.-11. ágúst (3 dagar fyrir hádegi / 4 dagar eftir hádegi)
Vika 6 – 14.-18. ágúst (full vika)
Vika 7 – 21.-22. ágúst (2 dagar)

Boðið verður upp á að kaupa allt námskeiðið, hálft námskeið (3 vikur) eða stakar vikur.

FYRIR HÁDEGI:
Stök vika frá 1.425-5.900 kr (fer eftir fjölda klst í viku)
3 vikur 15.100 kr (Fullt verð 17.700 kr)
Allt námskeiðið 22.800 kr (Fullt verð 32.450 kr)

EFTIR HÁDEGI
Stök vika frá 4.360-10.900 kr (fer eftir fjölda klst í viku)
3 vikur 27.800kr (Fullt verð 32.700 kr)
Allt námskeiðið 42.800kr (Fullt verð 61.040 kr)

Skráning fer fram í gegnum skráningarkerfi Aftureldingar Nóra: https://afturelding.felog.is/ en upplýsingar eru gjarnan veittar á fimleikar(hja)afturelding.is