/
 

Velkomin á vef Fimleikadeildar Aftureldingar.

Fimleikadeildin býður þig hjartanlega velkominn á vef deildarinnar. Fimleikadeildin býður upp á svokallaða trompfimleika en þar keppa börn í liðum frá 10 ára aldri. Hjá deildinni æfa börn frá 3ja ára aldri en elstu iðkendurnir eru 16 ára. Lögð er áhersla á uppbyggilegar grunnæfingar fyrir yngstu iðkendurna og flóknari útfærslu fyrir þá sem lengra eru komnir. Fimleikar eru afar góður grunnur fyrir allar íþróttir en fyrir þá sem stefna á keppni í fimleikum er mikilvægt að byrja snemma að stunda íþróttina. Stjórn deildarinnar er stolt af því að hafa alið upp marga af þeim þjálfurum sem nú kenna við deildina. Með því hlúum við að Aftureldingarhjartanu í deildinni. Stærstur hluti þjálfara við deildina eru aldar upp hjá okkur og hafa byggt upp starfið í sjálfboðaliðavinnu auk þess að vinna fjölda sigra á mótum fyrir hönd félagsins. 

 

Haustönn 2016

 

Haustönn hefst næstkomandi mánudag, 29. ágúst, skv. tímatöflu.

 

Búið er að uppfæra heimasíðu með öllum helstu upplýsingum eins og tímatöflu, verðskrá, flokkalýsingum ofl. Hægt er að smella á tenglana vinstra megin til að skoða allar þessar upplýsingar.

 

Öll börn sem eru komin með fast pláss hafa fengið staðfestingartölvupóst frá Nora. Foreldrar verða látnir vita núna um helgina ef barnið þeirra er á biðlista.

 

Við erum með biðlista í nánast öllum flokkum nema allra elstu og þ.a.l. verða foreldrar að láta vita FYRIR mánudaginn 5. september ef þeir ætla ekki að halda plássinu sem búið er að úthluta barninu þeirra svo hægt sé að úthluta plássunum til barna á biðlista.

 

Ef barn er enn óskráð en foreldrar hafa áhuga á plássi í vetur þarf að setja barnið inn í Forskráninguna í Nora. Börnum er raðað af þeim lista inn í laus pláss eftir því hvenær þau voru skráð þar inn.

 

Ef þið eruð með barn sem hefur áhuga á því að prófa eina æfingu þarf að hafa samband á fimleikar(hja)afturelding.is og bóka tíma í prufu. Vegna gífurlegs álags getum við því miður ekki leyft börnum að mæta og prófa án þess að fá staðfestingu fyrst frá okkur.

 

Starfsmaður á vegum deildarinnar verður niðrí Varmá eitthvað út næstu viku ef þið eruð með einhverjar spurningar en einnig er alltaf hægt að senda tölvupóst á fimleikar(hjá)afturelding.is. Mikið álag er þó á tölvupóstinum en við reynum eftir bestu getu að svara bréfum innan sólahrings.

 

Allar fyrirspurnir berist á fimleikar(hja)afturelding.is