/
 

Velkomin á vef Fimleikadeildar Aftureldingar.

Fimleikadeildin býður þig hjartanlega velkominn á vef deildarinnar. Fimleikadeildin býður upp á svokallaða trompfimleika en þar keppa börn í liðum frá 10 ára aldri. Hjá deildinni æfa börn frá 3ja ára aldri en elstu iðkendurnir eru 16 ára. Lögð er áhersla á uppbyggilegar grunnæfingar fyrir yngstu iðkendurna og flóknari útfærslu fyrir þá sem lengra eru komnir. Fimleikar eru afar góður grunnur fyrir allar íþróttir en fyrir þá sem stefna á keppni í fimleikum er mikilvægt að byrja snemma að stunda íþróttina. Stjórn deildarinnar er stolt af því að hafa alið upp marga af þeim þjálfurum sem nú kenna við deildina. Með því hlúum við að Aftureldingarhjartanu í deildinni. Stærstur hluti þjálfara við deildina eru aldar upp hjá okkur og hafa byggt upp starfið í sjálfboðaliðavinnu auk þess að vinna fjölda sigra á mótum fyrir hönd félagsins. 

 

Sumarönn hefst aftur 8. ágúst

 

Við minnum á að sumarnámskeiðið okkar hefst aftur næstkomandi mánudag, 8. ágúst.

FYRIR HÁDEGI
Æfingar verða með sama sniði og á haust- og vorönn fyrir alla krakka fædda 2007 og eldri sem æft hafa fimleika áður.
Æft er 4x í viku, mánudaga-fimmtudaga og verður skipt eftir aldri í flokka. Æft er 2 klst í senn.
kl 9:00-11:00 - Æfingar fyrir 3. og 4. flokk (2004-2007)
kl 11:00-13:00 – Æfingar fyrir 1. og 2. flokk (2003 og eldri)
ATH þetta námskeið er eingöngu æfingar, ekkert uppábrot verður á æfingum og eingöngu ætlast til að börn sem hafa verið áður í fimleikum skrái sig hér.

EFTIR HÁDEGI
Sumarnámskeið í boði með sama sniði og var í fyrra þar sem æfingar verða brotnar upp með ýmissi skemmtun á borð við leiki, útiveru, göngutúra og fleiru eftir veðri.
Fyrir alla krakka fædda 2009 og eldri. Námskeiðið verður alla virka daga frá kl 13:00-16:00.
Börn sem fædd eru 2010 og eru á leið í 1. bekk í haust eru velkomin í ágúst.

Frjálst er að skrá börn fædd 2007 og eldri bæði fyrir og eftir hádegi.


Vikur í boði í ágúst:

Vika 4 – 8-14. ágúst
Vika 5 – 15-21. ágúst

 

VERÐSKRÁ

FYRIR HÁDEGI:
Stök vika 5.400 kr

EFTIR HÁDEGI
Stök vika 9.900 kr

SKRÁNING
Skráning fer núna fram í gegnum skráningarkerfi Aftureldingar Nóra: https://afturelding.felog.is/