Strákarnir ætla að taka þátt í fjáröflunum deildarinnar

Fjáraflanir Fimleikadeildar skiluðu miklum árangri á síðasta ári. Foreldrar deildarinnar söfnuðu hvorki meira né minna en einni milljón sem notuð var til áhaldakaupa fyrir börnin. Bráðlega munu nýjar fjáraflanir hefjast og vill stjórnin hvetja alla foreldra sem vettlingi geta valdið að taka þátt.

Á næstu vikum munum við hafa samband við ykkur og biðja ykkur að hjálpa okkur og börnunum ykkar að safna fé fyrir frekari áhöldum. Við ætlum að bæta um betur og safna helst tveimur milljónum á þessu ári. 

Deildin ætlar að halda kökubasar 17. febrúar, fimleikamaraþon, pizzahappdrætti og páskaegg svo eitthvað sé nefnt. Áfram svo við þurfum að taka höndum saman og halda áfram uppbyggingu deildarinnar á nýju ári.