/
 

Velkomin á vef Fimleikadeildar Aftureldingar.

Fimleikadeildin býður þig hjartanlega velkominn á vef deildarinnar. Fimleikadeildin býður upp á svokallaða trompfimleika en þar keppa börn í liðum frá 10 ára aldri. Hjá deildinni æfa börn frá 3ja ára aldri en elstu iðkendurnir eru 16 ára. Lögð er áhersla á uppbyggilegar grunnæfingar fyrir yngstu iðkendurna og flóknari útfærslu fyrir þá sem lengra eru komnir. Fimleikar eru afar góður grunnur fyrir allar íþróttir en fyrir þá sem stefna á keppni í fimleikum er mikilvægt að byrja snemma að stunda íþróttina. Stjórn deildarinnar er stolt af því að hafa alið upp marga af þeim þjálfurum sem nú kenna við deildina. Með því hlúum við að Aftureldingarhjartanu í deildinni. Stærstur hluti þjálfara við deildina eru aldar upp hjá okkur og hafa byggt upp starfið í sjálfboðaliðavinnu auk þess að vinna fjölda sigra á mótum fyrir hönd félagsins. 

 

Saga Fimleikadeildar Aftureldingar

Á þessari síðu gefur að líta sögu Fimleikadeildar Aftureldingar. Samkvæmt starfsskýrslu frá árinu 2000 mættu nokkrir foreldrar á fund 15. mars og ræddu áhuga á að stofna fimleikadeild í Mosfellsbæ. Síðan hefur mikið vatn runnið til sjávar og hefur deildin vaxið og dafnað vel. Hún hefur dafnað betur sum árin og tekið tvö skref áfram og eitt afturábak með reglulegu millibili. Undanfarin ár hafa farið í það að byggja upp áhaldakost deildarinnar og innra starf. Nú hefur deildin á að skipa fjölda ungra þjálfara sem aldir eru upp hjá deildinni. Þetta unga fólk eru framtíðarþjálfarar deildarinnar og munu koma henni á næsta stig í þróuninni. Í starfs- og ársskýrslum deildarinnar gefur að líta þessa þróun og eru foreldrar hvattir til þess að kynna sér þessa sögu. 

 

2000

2001

2002

2003

2004

2005

2006

2007

2008

2009

2010

2011

2012

2013

Handbók fyrirmyndarfélags

Fimleikadeild Aftureldingar er fyrirmyndarfélag innan FSÍ. Það þýðir að unnið er eftir ákveðnum reglum sem settar eru á vegum ÍSÍ. Deildin varð fyrst fyrirmyndarfélag árið 2006 og sótti um endurnýjun árið 2010. Sækja þarf um á fjögurra ára fresti.

Hér má sjá fyrirmyndarfélagshandbók Fimleikadeildar.