/
 

Velkomin á vef Fimleikadeildar Aftureldingar.

Fimleikadeildin býður þig hjartanlega velkominn á vef deildarinnar. Fimleikadeildin býður upp á svokallaða trompfimleika en þar keppa börn í liðum frá 10 ára aldri. Hjá deildinni æfa börn frá 3ja ára aldri en elstu iðkendurnir eru 16 ára. Lögð er áhersla á uppbyggilegar grunnæfingar fyrir yngstu iðkendurna og flóknari útfærslu fyrir þá sem lengra eru komnir. Fimleikar eru afar góður grunnur fyrir allar íþróttir en fyrir þá sem stefna á keppni í fimleikum er mikilvægt að byrja snemma að stunda íþróttina. Stjórn deildarinnar er stolt af því að hafa alið upp marga af þeim þjálfurum sem nú kenna við deildina. Með því hlúum við að Aftureldingarhjartanu í deildinni. Stærstur hluti þjálfara við deildina eru aldar upp hjá okkur og hafa byggt upp starfið í sjálfboðaliðavinnu auk þess að vinna fjölda sigra á mótum fyrir hönd félagsins. 

 

Skráning og greiðslur

Gengið er frá greiðslu í gegnum skráningarkerfið Nóra - https://afturelding.felog.is/

  • Forráðamaður ber ábyrgð á að allar upplýsingar séu rétt skráðar, þ.m.t netföng, símanúmer og heimilisföng.
  • Ef forráðamáður vill nýta frístundaávísun Mosfellsbæjar (kr. 27.500) er það gert samhliða skráningu á námskeið í Nora áður en gengið er frá greiðslu.
  • Veittur er 10% systkinaafsláttur eða 10% fjölgreinaafsláttur innan sama æfingatímabils. Afslættir reiknast sjálfvirkt frá og með skráningu barns númer tvö.
  • Greitt er með kreditkorti eða greiðsluseðlum sem birtast eingöngu í netbönkum. Hægt er að dreifa greiðslum innan hvers tímabils bæði með kreditkorti eða greiðsluseðlum. Fyrir hvern útgefin greiðsluseðil innheimtist sérstakt seðilgjald kr. 390.
  • Miðað er við að æfingagjöld séu greidd í upphafi tímabils og eigi síðar en tveimur vikum eftir að iðkandi hefur æfingar. Sé það ekki gert er Fimleikadeild heimilt að skrá iðkanda og gefa út greiðsluseðill fyrir æfingagjöldum samkvæmt verðskrá án afslátta og frístundaávísunar.
  • Greiðsla æfingagjalds er forsenda fyrir þátttöku á æfingum og keppni. Mikilvægt er að hafa samband við skrifstofu Aftureldingar ef um fjárhagserfiðleika er að
    ræða og finna úrlausn sem leiðir til áframhaldandi þátttöku iðkandans.
  • Séu eldri æfingagjöld ógreidd er óheimilt að skrá iðkanda á nýtt tímabil nema vanskil séu uppgerð. Heimilt er útiloka iðkanda frá æfingum og keppni séu eldri æfingagjöld í vanskilum.
  • Hafi ekki verið gengið frá greiðslu æfingagjalda 15 dögum eftir að tímbil hefst eða ekki staðið við greiðslur samkvæmt skráningu má forráðamaður búast við gjaldið verð
    i innheimt með tilheyrandi kostnaði, sbr. innheimtulög nr. 95/2008 og reglugerð nr. 37/2009. Tíu dögum eftir útsendingu innheimtuviðvörunar er krafan flutt til Motus til milliinnheimtu. Beri milliinnheimta ekki árangur má búast við að gjöldin verði send í
    löginnheimtu. Samhliða innheimtuaðgerðum er heimiltað útiloka iðkanda frá frekari æfingum og keppni.

Innifalið í æfingagjöldum eru þjónustugjöld til FSÍ.

Mótagjöld eru innheimt sér og fá foreldrar greiðsluseðla senda í heimabanka.

Lengd tímabils

Haustönn Leikskólahópa er frá 3. janúar 2017 - 23. apríl 2017

Haustönn Grunn- og framhaldshópa er frá 3. janúar 2017 - 31. maí 2017

Haustönn 2.-5. flokks er frá 3. janúar 2017 - 31. maí 2017

Haustönn 1. og 2. flokks er frá 3. janúar 2017 - 31. maí 2017

Fullorðinsfimleikar eru frá 3. janúar 2017 - 31. maí 2017

Reynslutími / Biðlistar / Endurgreiðsla

  • Þegar nýr iðkandi hefur æfingar má hann mæta á eina prufu æfingu einhverntíman á fyrstu viku annar áður en æfingagjöld eru innheimt. Fimleikadeild getur þó ekki ábyrgst að laust pláss sé í hóp iðkanda eftir að prufutíma lýkur og það er því á ábyrgð foreldra að skrá barn tímanlega til að tryggja að barnið fái pláss.
  • Ef hópur iðkanda er fullur er hægt að skrá á biðlista og reynir Fimleikadeild eftir bestu getu að koma þeim börnum inn. Biðlistarnir byggjast á fyrstur skráður, fyrstur inn.
  • Ef iðkandi hefur verið skráður en forráðamaður sér fram á að iðkandi vilji hætta æfingum er hægt að senda tölvupóst á fimleikar(at)afturelding.is innan viku frá upphafi annar og barn verður afskráð.
  • Sendi foreldrar ekki tölvupóst um að þeirra barn þiggi ekki pláss á námskeiðinu er litið svo á að barnið muni vera með og hafi foreldrar ekki sjálfir gengið frá skráningu og greiðslu fyrir 1. október áskilur deildin sér rétt til að skrá barnið og verður greiðsluseðill sendur í kjölfarið.
  • Ef ekki er látið vita innan þess tíma, er litið svo á að barn sé fullskráð og æfingagjöld ekki endurgreidd.
  • Ekki er veittur afsláttur frá gjöldum þó svo að iðkandi hefji æfingar innan tímabils.
  • Ekki er veittur afsláttur af gjöldum þó iðkandi komist ekki á allar æfingur hóps í hverri viku. Iðkendur sem æfa 2 eða fleiri íþróttir hjá Aftureldingu fá 10% fjölgreinaafslátt sem kemur til móts við skörun á æfingum.
  • Ef iðkandi hættir æfingum innan tímabils eru æfingagjöld ekki endurgreidd nema ef um alvarleg veikindi eða meiðsl er að ræða og vottorði sé skilað. Sá hluti sem greiddur er með frístundaávísun fæst ekki endurgreiddur.

Á vorönn 2017 verða foreldrar að tilkynna með tölvupósti á netfangið fimleikar(at)afturelding.is ef iðkandi ætlar ekki að halda áfram æfingum FYRIR 5. janúar 2017. Eftir þann tíma eru æfingagjöld ekki endurgreidd!