/
 

Velkomin á upplýsingavef Ungmennafélagsins Aftureldingar

Innan vébanda Aftureldingar starfa tíu deildir sem bjóða upp á metnaðarfullt starf, hver á sínu sviði, þar sem unnið er að markmiðum félagsins sem felast annars vegar í uppeldis- og lýðheilsustefnu þess og hins vegar í afreks- og keppnisstefnu félagsins. Afturelding gegnir mikilvægri samfélagsþjónustu í Mosfellsbæ og  hefur heilsu allra aldurshópa í Mosfellsbæ að leiðarljósi með því að hvetja til og standa fyrir heilbrigðri afþreyingu í formi íþrótta og hreyfingar ásamt því að glæða daglegt líf íbúa í sveitarfélaginu uppbyggilegu og heilbrigðu félagsstarfi.

 

Æfingagjöld karatedeildar 2017 - 2018

Byrjendur:

20.000.- kr. fyrir haustönn (til áramóta)

20.000.- kr. fyrir vorönn (janúar til júní)

 

Framhaldshópar/fullorðnir:

30.000.- kr. fyrir haustönn (til áramóta)

50.000.- kr. fyrir allt æfingatímabilið (til júní 2018 ef greitt er fyrir allt tímabilið)

30.000.- kr. fyrir vorönn ef greitt er fyrir seinni önn eftir áramót.

 

Ganga skal frá skráningu og greiðslu innan tveggja vikna frá því að æfingar hefjast.


Afslættir: Veittur er 10% fjölgreina- eða fjölskylduafsláttur. Ef systkin/foreldri æfa saman hjá karatedeildinni fá þau hvort um sig 10% afslátt af æfingagjöldum. Ef iðkandi æfir aðra grein hjá Afturelding er veittur 10% afsláttur. Afslættir reiknast frá og með 2. skráningu í Nora.

Frístundaávísun: Mosfellsbær styrkir frístundaiðkun allra barna og unglinga á aldrinum 6-18 ára með lögheimili í Mosfellsbæ með framlagi að upphæð 32.500,- kr. Þessa upphæð má nota til að greiða niður æfingagjöld hjá Karatedeild. Frístundaávísun er ráðstafað í gegn um Nora samhliða skráningu.

Greiðsluform: Hægt er að greiða æfingagjöldin í gegnum Nóra greiðslukerfið með greiðslukorti eða fá sendan greiðsluseðil í heimabanka. Ef greitt er með greiðsluseðlum bætist útskriftargjald kr. 390 við hverja greiðslu. Ekki er hægt að millifæra æfingagjöld á reikning deildarinnar.

Um Nóra (afturelding.felog.is ):Afturelding notar skráningarkerfið Nora, vefskráningar- og greiðslukerfi, sem er sérhannað fyrir íþróttafélög til að halda utan um iðkendaskráningu, æfingagjöld og mætingu. Forráðamenn sjá sjálfir um skráningu sinna barna á netinu og þannig má gera ráð fyrir að skráningarupplýsingar séu alltaf réttar.