/
 

Velkomin á upplýsingavef Ungmennafélagsins Aftureldingar

Innan vébanda Aftureldingar starfa tíu deildir sem bjóða upp á metnaðarfullt starf, hver á sínu sviði, þar sem unnið er að markmiðum félagsins sem felast annars vegar í uppeldis- og lýðheilsustefnu þess og hins vegar í afreks- og keppnisstefnu félagsins. Afturelding gegnir mikilvægri samfélagsþjónustu í Mosfellsbæ og  hefur heilsu allra aldurshópa í Mosfellsbæ að leiðarljósi með því að hvetja til og standa fyrir heilbrigðri afþreyingu í formi íþrótta og hreyfingar ásamt því að glæða daglegt líf íbúa í sveitarfélaginu uppbyggilegu og heilbrigðu félagsstarfi.

 

Árlegar æfingabúðir með Sensei Steven Morris 7. dan

Helgina 27. - 29. apríl sáu sensei Steven Morris, sensei Paul Lapsley ásamt Colin aðstoðarþjálfara um árlegar æfingabúðir og beltagráðun hjá karatedeildum Aftureldingar og Fjölnis.

 

Helgin hófst á æfingabúðum í Egilshöll föstudaginn 27. apríl fyrir brún- og svartbeltara og hélt áfram laugardaginn 28. apríl opin öllum aldurshópum. Fyrri hluta dags var æft kata, bunkai og kumite og yngri iðkendur tóku beltapróf. Síðdegis hófst svo eiginleg beltagráðun brún- og svartbeltara sem stóð til kl. 18.  

Þau sem fengu hærri gráðun hjá Stven Morris að þessu sinni voru: Dóra - 3. kyu (brúnt og 1 strípa), Zsolt, Oddný, Emil og Hugrún 1. kyu (brúnt og 3 strípur). Það fjölgaði einnig í svartbeltarahópnum, en Andrés, Gunnar og Agla fengu öll shodan ho svart belti. Fjórir fengu 1. dan svart belti, Þórður og Máni shodan junior og Anna og Elín shodan. Við óskum þessum flotta hóp til hamingju með árangurinn.