Byrjendanámskeið á vorönn fyrir börn, 6 ára og eldri hófst í byrjun febrúar. Þjálfari er Telma Rut Frímannsdóttir og kennt er tvisvar í viku: á mánudögum frá kl. 16.15 - 17.15 og á föstudögum frá kl. 15.15 - 16.00. Hægt er að mæta frítt í prufutíma í febrúar!

Æfingagjald fyrir byrjendur á vorönn er 15.000 kr.  Veittur er 10% afsláttur ef iðkandi ástundar aðra íþróttagrein hjá Aftureldingu.  Veittur er 25% systkinaafsláttur innan karatedeildarinnar.

Karate er alhliða líkamsþjálfun fyrir stelpur jafnt sem stráka, unga jafnt sem aldna.  Karate eykur snerpu, liðleika og þol og er einstaklingsmiðuð íþrótt.  Hægt er að horfa á karate sem bardagaíþrótt, sjálfsvörn, líkamsrækt eða lífsstíl.

Alþjóðlega karatesambandið viðurkennir fjóra mismunandi karatestíla í keppni; Shito Ryu, Goju Ryu, Shotokan og Wado Ryu. Allir þessir stílar eru iðkaðir á Íslandi og er Shito Ryu stíllinn kenndur hjá Karatedeild Aftureldingar. Deildin er meðlimur í Kobe Osaka International karatesambandinu og reglulega koma karatemenn frá sambandinu og þjálfa/gráða iðkendur deildarinnar.