Afturelding heldur í samstarfi við Atlantis sitt árlega Atlantismót á Tungubökkum helgina 18. og 19.ágúst í sumar. Mótið verður með hefðbundnu sniði fyrir 6. og 7.flokk karla og kvenna en spilað verður hraðmót þar sem hvert lið spilar 4 leiki. Leiktími er að öllu jöfnu 2*10 mín. og leikið er á minnkuðum völlum og skv. reglum KSÍ um 7-manna bolta.

8.flokkur leikur á sérmerktum minni völlum og spilar styttri leiki. Samráð verður haft við þjálfara þáttökuliða um nánara fyrirkomulag í 8.flokki en þar er keppt í barnaflokki þar sem strákar og stelpur keppa saman. Í 8.flokki er leikið með 5 leikmenn - 1 markmann og 4 útileikmenn.

Tímavarsla er sameiginleg fyrir keppnissvæðið og hefjast allir leikir á sama tíma. Hálfleikur er einnig flautaður af og á sameiginlega svo og lokaflauta. Þjálfarar og liðsstjórar sjá um að lið sín mæti til leiks á réttum tíma og dómara er skylt að hefja leik samkvæmt áætlun hvort sem vantar annað lið eða bæði.

Undanfarin þrjú ár hefur Barna- og unglingaráð haldið Atlantismótið fyrir yngstu flokkana á grasæfingasvði félagsins á Tungubökkum í Mosfellsbæ. Á mótið hafa verið að koma um 1.000 börn á hverju ári og hefur mótið þótt takast einstaklega vel síðustu ár. 

Upplýsingar um mótið í ár og skráning fer fram með tölvupósti á mótanefnd: umfamotanefnd(at)gmail.com