Barna- og unglingaráð heldur á hverju sumri nokkur knattspyrnunámskeið fyrir yngri iðkendur. Námskeiðin eru þekkt í daglegu tali einfaldlega sem Fótboltaskólinn og er meginmarkmið skólans er að skapa börnum möguleika á að læra undirstöðuatriði fótbolta á leikrænan og skemmtilegan hátt þar sem allir fá verkefni við sitt hæfi.

Aðaláhersla er lögð á grunntækni í knattspyrnu. Skólinn kemur ekki í stað æfinga í 4, 5, 6 og 7.flokki, heldur eru þær viðbót fyrir þá sem hafa mikinn áhuga á knattspyrnu og vilja bæta við sig æfingum til viðbótar þeim sem fram fara í hverjum flokki. Einnig er þetta vettvangur fyrir nýja iðkendur að kynnast grunnatriðum í knattspyrnu

Afturelding kynnir:

Knattspyrnuskóla Liverpool á Íslandi árið 2012

Liverpool starfrækir knattspyrnuskóla víða um heim og leggur mikla áherslu á þjálfun barna og unglinga, en barna- og unglingastarf Liverpool hefur alið af sér heimsklassa knattspyrnumenn eins og Steven Gerrard. Liverpool sendir góðan hóp af þjálfurum sínum til Íslands og lögð er höfuðáhersla á að allir þátttakendur á námskeiðinu verði undir stjórn þjálfara frá Liverpool. Hver þjálfari Liverpool mun stýra hópi með 20 börnum og þeim til aðstoðar verða þjálfarar Aftureldingar, sem munu m.a. sjá um að túlka á íslensku. Sérstakur æfingahópur verður fyrir markmenn.

Sjá nánar á undirsíðu um Liverpoolskólann (hér til vinstri á síðunni)