/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

3. flokkur karla Íslandsmeistarar í knattspyrnu

 

3.flokkur karla í knattspyrnudeild hefur verið sigursæll í sumar. Þeir toppuðu svo frábært tímabil með Íslandsmeistaratitli í flokki C liða á Varmárvelli á sunnudag þar sem þeir unnu Keflavík í lokaleiknum 4-0.
Strákarnir eru vel að þessu komnir og varla stigið feilspor í Íslandsmótinu. A og B liðin stóðu sig líka vel í sumar enduðu Íslandsmótið í öðru sæti og þriðja sæti í B riðli. 
Knattspyrnudeild óskar þessum strákum og þjálfurum til hamingju með frábært sumar.