/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Afturelding á tvo fulltrúa í U17 karla

 

Afturelding á tvo uppalda leikmenn í U17 landsliði karla sem tekur þátt í milliriðli í undankeppni EM. Mótið fer fram í Hollandi 7.-13. mars n.k. 

Þetta eru þeir Ísak Snær Þorvaldsson sem leikur með Norwich á Englandi og Jökull Andrésson markmaður sem leikur með Reading á Englandi.

Þorlákur Árnason landsliðsþjálfari stýrir liðinu í þessum leikjum. Mótherjar Íslands verða Holland, Tyrkland og Ítalía.

Knattspyrnudeild Aftureldingar óskar strákunum góðs gengis í þessum leikjum.