/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Afturelding byrjar með sigri

Meistaraflokkur kvenna sem leikur í 2.deildinni undir merkjum Aftureldingar og Fram vann öruggan 3-1 sigur á Völsung á sunnudag.

 

Það var ekkert verið að bíða með hlutina á gerfigrasvellinum að Varmá en vallargestir voru rétt að koma sér fyrir í strekkingsvind við Varmána þegar Stefanía Valdimarsdóttir fékk flotta stungu innfyrir og kláraði vel með föstu skoti í markhornið og staðan orðin 1-0 eftir tæpar tvær mínútur.


Undir lok fyrri hálfleiks bætti Katla Rún Arnórsdóttir við öðru marki af harðfylgni eftir hornspyrnu og staðan 2-0 í hálfleik. Völsungur minnkaði muninn snemma í seinni hálfleik en Stefanía var aftur á ferðinni stuttu síðar og skoraði þriðja mark Aftureldingar og annað mark sitt með glæsilegu skallamarki.


Og þannig lauk leiknum með 3-1 sigri og stelpurnar okkar byrja því tímabilið vel. Stefanía fór þar fremst í flokki, skoraði tvö frábær mörk og var sí-ógnandi en aðrir leikmenn áttu flestir fínan dag. Fréttritari tók svo sérstaklega eftir þeim Ingu Laufeyju og Hafrúnu Rakel sem eru að stíga sín fyrstu skref með meistaraflokki og stóðu sig afar vel. Næst koma tveir útileikir, sá fyrri á föstudaginn gegn Álftanesi og síðan er áhugaverður leikur á dagskrá gegn sterku liði Fjölnis í Grafarvogi.


Afturelding/Fram: Selma (Cecilía), Inga Laufey, Valdís Ósk, Matthildur, Katla (Anna Pálína), Margrét, Svandís (Valdís Harpa), Hafrún (Ester Lilja), Eva Rut, Sigrún, Stefanía (Esther)