Dregið hefur verið til fyrstu umferðanna í bikarkeppni KSÍ og fá strákarnir okkar spennandi verkefni.

Meistaraflokkur karla mætir liði Stál-úlfs í Kórnum þann 6.maí og daginn eftir fær Hvíti Riddarinn lið Afríku í heimsókn. Ef liðin okkar bera sigur úr býtum mætir meistaraflokkur Kára eða KH í annarri umferð og Hvíti Riddarinn tekur á móti KFS eða Ármanni.

Stelpurnar okkar sitja yfir í fyrstu umferðunum en efstu deildar liðin mæta til leiks í 16 liða úrslitum. Afturelding náði eftirminnilegum árangri í bikarkeppni kvenna í fyrra þegar stelpurnar komust í undanúrslit þar sem þær féllu úr leik gegn Val í spennandi leik á Varmárvelli.