/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Arnar Hallsson - nýr þjálfari mfl. karla í knattpyrnu

 

Arnar Hallsson hefur verið ráðin sem þjálfara meistaraflokks karla í knattspyrnu. Arnar tekur við liðinu af Úlfi Arnari Jökulssyni sem stýrt hefur liðinu undanfarin þrjú ár. 

Afturelding endaði í fjórða sæti 2. deildarinnar í sumar en liðið hefur verið í deildinni síðan 2010
„Við í Aftureldingu erum virkilega spenntir fyrir því að fá Arnar til starfa. Við höfum tekið eftir því á undanförnum árum að lið hans hafa alltaf spilað virkilega skemmtilegan en jafnframt árangursríkan fótbolta. Hann virðist ná vel til ungra leikmanna en leikmannahópurinn okkar er einmitt að miklu leyti byggður upp af ungum heimamönnum. Við erum óhræddir við að gefa ungum og/eða óreyndari þjálfurum tækifæri til að sanna sig ef við teljum að þeir henti leikmannahópnum okkar og falli vel að gildum félagsins." segir Ásbjörn Jónsson, formaður meistaraflokksráðs Aftureldingar í samtali við fotbolti.net. 

„Arnar tekur við góðu búi frá Úlfi Arnari. Úlli hefur nú stýrt liðinu í þrjú ár og alltaf gefið ungum leikmönnum tækifæri til að taka ábyrgð og blómstra. Við viljum þakka honum fyrir einstaklega vel unnin störf á undanförnum árum." 

Magnús Már Einarsson hefur einnig verið ráðin aðstoðarþjálfari liðsins, þá mun Ríkharður Daðason vera þeim Arnari og Magnúsi innan handar við þjálfun sóknarmanna í liðinu.