/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Bjarki Steinn skrifar undir samning við Aftureldingu

 

Bjarki Steinn Bjarkason leikmaður 2.flokks karla hefur gert leikmannasamning við Aftureldingu. 
Þessi ungi og efnilegi leikmaður á leiki og fjölda æfinga með U17 ára landsliði Íslands og æfði og spilaði mikið með 2.flokki karla síðasta sumar þrátt fyrir að vera enn gjaldgengur í 3.flokk.

Bjarki Steinn er 16 ára gamall og kom hann við sögu í sínum fyrsta meistaraflokks leik á árinu.

Bjarki Steinn er útsjónarsamur og teknískur leikmaður sem getur leikið margar stöður á vellinum.

Knattspyrnudeild Aftureldingar óskar Bjarka til hamingju með samninginn og góðs gengis í sínum verkefnum.