/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Ester Lilja, Matthildur og Rakel Lind til liðs við Aftureldingu/Fram

 

Afturelding/Fram hefur samið við þær Ester Lilju, Matthildur og Rakel Lind um að leika með liðinu á komandi tímabili. Ester Lilja Harðardóttir kemur til félagsins frá HK/Víking en Ester er uppalin hjá Breiðablik. Ester Lilja er ungur og efnilegur leikmaður sem spennandi verður að fylgjast með á komandi árum, en Ester er fædd árið 1999 og því enn gjaldgeng í 2.flokk félagsins.

Matthildur Þórðardóttir er öflugur miðvörður sem er uppalin í Stjörnunni. Matthildur er fædd árið 1993 og hefur leikið ásamt Stjörnunni með Álftanesi og Haukum. Matthildur lék síðast með Álftanesi árið 2014 og er því að taka fram skóna á ný til að leika með Aftureldingu/Fram á komandi tímabili.

Rakel Lind Ragnarsdóttir sem er fædd árið 1995 gengur í raðir félagsins frá Grindavík þar sem hún lék seinni hluta síðasta tímabils, Rakel Lind tók þátt í að koma Gindavík upp um deild síðastliðið sumar. Rakel er öflugur framherji sem byrjaði ung að árum að stíga sín fyrstu skref í meistaraflokki en Rakel lék aðeins 15 ára gömul sinn fyrsta meistaraflokksleik með uppeldisfélagi sínu HK/Víking.

Þá var Rakel á yngsta ári í 2.flokki HK/Víkings árið 2012 þegar hún skoraði sitt fyrsta meistaraflokksmark. En Rakel lék 16 mótsleiki það ár og skoraði 7mörk og tók þátt í að koma HK/Víking upp í úrvalsdeild það ár. Þá hefur Rakel tekið þátt í verkefnum með u17 ára landsliði Íslands og skoraði eitt mark í sigri gegn Færeyjum í einu af verkefnum landsliðsins.

„Félagið er í óða önn að styrkja hópinn í kringum þær stúlkur sem fyrir eru, byggt er til framtíðar og passa þær Ester Lilja, Matthildur og Rakel Lind vel inn í þau plön og hlakkar félagið til samstarfs við þær stúlkur. Félagið býður stúlkurnar hjartanlega velkomnar til félagsins,“ segir Sigurbjartur Sigurjónsson, formaður meistaraflokksráðs Aftureldingar/Fram.