Ungmennafélagið Afturelding
Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.
Alltaf í boltanum ? Langar þig að prófa ? Komdu og vertu með og við tökum vel á móti þér !
Afturelding á þrjá fulltrúa á æfingum knattspyrnulandsliða um þessar mundir.
Lára Kristín Pedersen var valin til þáttöku á æfingum U19 kvenna um síðustu helgi. Næstu helgi verða síðan þeir Sigurpáll Melberg Pálsson og Viktor Bergmann Bjarkason fulltrúar félagsins á æfingum yngri hóps U17 karla.
Knattspyrnudeild óskar okkar efnilegu ungmennum til hamingju með árangurinn.
