/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Kynningafundur um knatthús að Varmá

 

Mosfellsbær hefur samþykkt að ráðast í að reisa knatthús að Varmá. Knatthúsið verður staðsett þar sem eldri gervigravöllur er nú.  Húsið mun verða um 3.850 fm að stærð og ljóst að þetta nýja hús verður mikil lyftistöng fyrir knattspyrnuiðkun í sveitarfélaginu sem og fleiri íþróttir.

Forsögu þessarar ákvörðunar má rekja til þess að á undanförnum þremur árum hefur iðkendum í knattpspyrnudeild fjölgað um 28% sem er langtum meira en spár gerðu ráð fyrir.

Í ljósi þessarar fjölgunar fór stjórn knattspyrnudeildar í samvinnu við aðalstjórn félagsins í þá vinnu að skoða aðstöðuþörf deildarinnar til næstu ára. Afrakstur þeirrar vinnu birtist í framtíðarsýn deildarinnar sem finna má á heimasíðu félagsins, afturelding.is.

Helstu niðurstöður þessarar framtíðarsýnar eru settar fram í þremur áföngum en sýnin snýr að því að stækka æfingasvæði deildarinnar.

Áfangi 1: Yfirbyggður ½ völlur, endurnýjun gervigrass á núverandi velli, búningsherbergi löguð tímabundið.
Áfangi 2: Stúka, búningsklefar, geymslur og félagsaðstaða við núverandi gervigrasvöll
Áfangi 3: Gervigras, hitalagnir og flóðlýsing sett á Varmárvöll

Nú hefur verið hafist handa við áfanga 1 þar sem búið er að skipta um gervigras á núverandi velli, hönnun er einnig hafin á yfirbyggða húsinu og verður farið í útboð á þeirri framkvæmd fljótlega. *Þess má geta að í húsinu verður einnig hlaupabraut meðfram einni langhlið hússins og gert ráð fyrir göngubraut í kringum allan völlinn þannig að hægt er að nýta húsið í fleira en knattspynuiðkun.

Afturelding og Mosfellsbær bjóða áhugasömum að koma á kynningarfund miðvikudaginn 6.desember næstkomandi, þar sem framkvæmdin verður kynnt og spurningum svarað. Fundurinn verður haldinn í Lágafellsskóla og hefst kl 18.00.

Sjá skýrslu um framtíðarsýn knattspyrnudeildar UMF Aftureldingar.