/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Viktor Marel skrifar undir samning við Aftureldingu

 

Það er ánægjulegt að tilkynna að Viktor Marel Kjærnested hefur skrifað undir samning við uppeldisfélagið sitt.

Viktor Marel sem er fæddur árið 2000 á að baki úrtaksæfingar með u16 og u17 ára landsliðinu og lék hann 15 leiki með 2.flokki karla í sumar þrátt fyrir að vera enn gjaldgengur í 3.flokk. 
Viktor skoraði 7 mörk í þessum leikjum og hefur hann leikið sem kantmaður og senter á þessu ári.

Knattspyrnudeild Aftureldingar óskar Viktor Marel til hamingju með samninginn og góðs gengis í sínum verkefnum.