/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Weetos mótið á Tungubökkum gekk vel

Um síðustu helgi fór fram samhliða bæjarhátiðinni í Túninu Heima hið árlega Tungubakkamót Knattspyrnudeildar

 

Mótið sem í þetta sinn er haldið í samvinnu við Weetos á Íslandi fór afar vel fram í blíðskaparveðri á Tungubökkum og var gerður góður rómur að framkvæmdinni. Þegar fréttaritari náði tali af Gunnari Inga mótstjóra átti eftir að staðfesta endanlega tölu þáttakenda en reiknað var með eitthvað á annað þúsund börnum í sjötta, sjöunda og áttunda flokki og líklega á milli þrjú- og fjögurþúsund gestum samtals.


Mótið var að venju með hraðmótsfyrirkomulagi og voru þáttakendur leystir út með sérlega veglegum glaðning frá Weetos og vill knattspyrnudeild koma á framfæri bestu þökkum til Weetos og Ölgerðarinnar fyrir veittan stuðning.


Að móti af þessari stærðargráðu kemur stór og öflugur hópur sjálfboðaliða sem sjá um leikjauppröðun, dómgæslu, verðlaunaafhendingar, veitingasölu, almenna umsjón og gæslu á svæðinu, ýmsan undirbúning og frágang og vill knattspyrnudeild einnig færa þeim sínar bestu þakkir. Allur ágóði af mótinu rennur til Barna- og unglingaráðs og er mótið orðið ein mikilvægasta fjáröflun ársins.