/
 

Velkomin á upplýsingavef Knattspyrnudeildar Aftureldingar

Knattspyrnudeild Aftureldingar býður upp á þróttmikið og metnaðarfullt starf í vinsælustu íþróttagrein heims. Barna- og unglingaráð félagsins rekur 12 yngri flokka, allt frá fjögurra ára leikskólabörnum til nítján ára ungmenna en þá taka meistaraflokksráð karla og kvenna við með sitt kraftmikla starf auk þess sem fjöldi eldri iðkenda stundar íþróttina af kappi í bænum. Þjálfarar félagsins eru í fremstu röð enda hafa fjölmargir iðkenda fengið tækifæri með yngri landsliðum Íslands í knattspyrnu og nokkrir núverandi landsliðsmenn fengu sitt fótboltauppeldi í Mosfellsbænum.

Alltaf í boltanum ? Langar þig að prófa ? Komdu og vertu með og við tökum vel á móti þér !

 

Tryggðu hjá TM !

Ef þú tryggir hjá TM fær Afturelding hluta iðgjaldsins sem styrk.
Smelltu á TM myndina hér að neðan og ráðgjafi frá TM hefur samband - Áfram Afturelding !

 

Æfingatafla 2017-2018

Sumar 2017

Vetrartímarnir eru klárir.

Æft verður á gerfigrasinu að Varmá auk inniæfinga að Varmá og í Lágafelli.

 

Nánar um æfingatímana á undirsíðu hvers flokks undir liðnum "Yngri flokkarnir" hér fyrir neðan, vinstra megin á valstiku og á bloggsíðum flokkanna.

 

Æfingatafla knattspyrnudeildar haust 2016

Æfingatafla knattspyrnudeildar haust 2016

 

 

Um aldursskiptinguna í fótboltanum

Leiktímabil knattspyrnudeildar er frá byrjun september til loka ágúst. Þegar tímabili lýkur á haustin færast allir árgangar til þannig að eldra ár í hverjum flokki flyst upp í næst flokk fyrir ofan og yngra árið verður eldra ár og fær til sín nýjan yngri árgang úr næsta flokk fyrir neðan, ekki ólíkt bekkjarkerfi í skóla þó hver "bekkur" séu tveir árgangar í fótboltanum.

Þar sem krakkarnir eru þá saman í flokki annað hvert ár þekkjast þau yfirleitt ágætlega og ekki er mikið um erfiðleika vegna þess. Þjálfarar gæta þess sérstaklega að taka vel á móti nýliðum og miða oft dagskrá fyrstu vikurnar á haustin við að kynnast hópnum, einkum hjá yngri krökkunum.

Stærsta breytingin er milli 5. og 4 flokks en þá fara liðin að spila 11manna bolta á stórum velli með stórum mörkum, rangstöðu og talvert lengri leiktíma svo eitthvað sé nefnt. Eflaust kvíðir einhverjum fyrir breytingunni en langflest hlakka krakkarnir til enda "loksins" farin að leika fótbolta eins og fullorðnu hetjurnar sínar.

Bjarki Már Sverrisson yfirþjálfari Barna- og unglingaráðs, bjarki(at)afturelding.is tekur alltaf við fyrirspurnum frá foreldrum og stjórnarmenn að sjálfsögðu líka, fotbolti(at)afturelding.is.