/
 

Körfuknattleiksdeild Aftureldingar er ung en metnarðarfull deild. Markmiðið er að byggja upp deild sem býður upp á körfubolta í öllum aldursflokkum. Enn sem komið er hafa börn í Mosfellsbæ á aldrinum sex til þrettán ára kost á því að æfa íþróttina. Æfingarnar fara fram við góðar aðstæður í íþróttahúsinu við Lágafell. Menntaðir þjálfarar sjá til þess að undirstöður íþróttarinnar séu kenndar og að leikgleðin sé framar öllu. Allir sem hafa áhuga á því að auka veg körfuboltans og stuðla að fjölbreyttu vali tómstunda fyrr börn í Mosfellsbæ eru velkomnir að leggja starfinu lið.

 

Fésbókarsíða körfuknattleiksdeildar

Efst

 

Sumarnámskeið 2017

 

Körfuboltaskóli  Aftureldingar og Subway 2017

Boðið verður upp a tvennskonar verkefni í sumar.  Það er leikjanámskeið 5 daga vikunnar og einnig körfuboltaæfingar 4 daga vikunnar. Námskeið og æfingar fara fram í íþróttamiðstöðinni Lágafelli. Skráning fer fram á skráningarvef Aftureldingar (https://afturelding.felog.is/<wbr></wbr>).

 


Leikjanámskeið fyrir 7 - 10 ára 

Körfubolti er í mikilli sókn í Mosfellsbæ og því ákaflega skemmtilegt að geta boðið upp á leikjanámskeið í sumar og kynna íþróttina fyrir okkar yngstu krökkum. Skemmtilegt leikjanámskeið þar sem markmiðið er að hafa körfubolta í hönd fara í leiki en fyrst og fremst hafa gaman. Námskeiðið er ætlað bæði stúlkum og drengjum og vonumst við til þess að sjá sem flesta koma og prófa.

Leikjanámskeiðin eru mánudaga til föstudaga klukkan 10.00 - 12.00

 

 


Sumaræfingar fyrir 10-12 ára

Á sumaræfingum verður lögð áhersla á einstaklingsmiðaðar séræfingar eins og sóknarhreyfingar, dripl, skot og sendingar sem miða að því að bæta og styrkja viðkomandi iðkanda í íþróttinni þannig að hann mæti vel undirbúin fyrir veturinn.

 

Yfirþjálfari verður Sævaldur Bjarnason sem hefur mikla reynslu af þjálfun bæði hjá yngri flokkum, meistaraflokki og yngri landsliðum. Gleði og skemmtun verða í forgrunni en stefnt er að því að spila mikið.
Sumaræfingarnar verða mánudaga til fimmtudaga klukkan 12.30 - 14.00

 
Þær vikur sem um ræðir í sumar eru :

Júní

12-16.júní

19-23.júní

 

Ágúst

8-11 ágúst

14-18 ágúst