/
 

Velkominn á vef Taekwondo deildar Aftureldingar

 Við hvetjum alla til að nýta sér ókeypis prufutíma kynnast þannig skemmtilegri fjölskylduíþrótt sem hentar ungum sem öldnum.  Sér í lagi má benda á að taekwondo er tilvalin íþrótt fyrir byrjendur á fullorðinsaldri því greinin sameinar allt í senn snerpu, styrk, þol og liðleika.

Taekwondo er ein fjölmennasta bardagalist heims í dag og varð að keppnisgrein á Ólympíuleikunum árið 2000. Taekwondo iðkun hefur breyst mikið á síðustu áratugum frá því sem áður var vegna vinsældar hennar sem íþrótt. Nú gefst fólki tækifæri til að læra sjálfsvörn og stunda skemmtilega og örugga íþrótt. Það hljómar eflaust ótrúlega en meiðslatíðni í Taekwondo er aðeins 0.34% samkvæmt nýjustu rannsóknum. Þetta er ein lægsta slysatíðni sem finnst í íþróttum. 

 

    Vertu velkominn til okkar á æfingu!

 
Beltaprófskröfur

Hér er slóð á beltaprófskröfur deildarinnar

Gallar og hlífar

Hér er linkur á lista yfir þær vörur sem deildin er með á lager og einnig það sem deildin getur pantað 

 

 

Taekwondo iðkendur í íslenska ungmenna-úrvalinu (Talent Team)

Ásthildur og Níels í íslenska ungmenna-úrvalinu.

 

Tveir iðkendur úr Taekwondodeild Aftureldingar náðu sæti í íslenska ungmennaúrvalinu (Talent team) í tækni. Þessir iðkendur eru miklar fyrirmyndir í félaginu og æfa ávallt af miklum krafti. Maður uppsker það sem maður sáir. Gefið þeim klapp á bakið þegar þið sjáið þau á göngunum. Þau eiga það skilið.