Fimleikadeild Aftureldingar fagnar nú miklum framförum í aðstöðu sinni eftir að hafa fengið 6 milljóna króna styrk frá bænum til kaupa á nýju dansgólfi og viðbótarpúðum í púðagryfju deildarinnar. Nýi búnaðurinn er þegar kominn í notkun og hefur vakið mikla lukku meðal iðkenda og þjálfara.

Þjálfarar fimleikadeildarinnar lýsa yfir mikilli ánægju. „Við erum afar þakklát fyrir þennan rausnarlega styrk sem hefur nú þegar haft gríðarleg jákvæð áhrif á gæði æfinga og öryggi iðkenda okkar. Nýja dansgólfið hefur gjörbreytt aðstöðunni fyrir dans- og gólfæfingar, og viðbótarpúðarnir í púðagryfjuna hafa aukið öryggið við æfingar á stökktækjum til muna.“

Einn af þjálfurum deildarinnar bætti við „Það er ótrúlegt að sjá hvernig þessar endurbætur hafa strax bætt æfingaaðstöðuna. Við getum nú boðið upp á enn fjölbreyttari og öruggari æfingar fyrir alla aldurshópa, frá byrjendum upp í keppnishópa. Iðkendurnir eru sérstaklega ánægðir með nýja dansgólfið og hafa sýnt miklar framfarir á skömmum tíma.“

Iðkendur deildarinnar hafa tekið nýja búnaðinum fagnandi. Liðsmenn í meistaraflokk deildarinnar töluðu um jákvæðar breytingar fyrir álag á fætur „Nýja dansgólfið er svo mjúkt og gott að æfa á. Ég finn að ég get æft lengur án þess að verða þreytt/ur í fótunum. Og nýju púðarnir í gryfjunni gera það að verkum að ég er öruggari þegar ég er að æfa ný og erfiðari stökk.“

Fimleikadeild Aftureldingar þakkar öllum þeim sem komu að styrknum og er full tilhlökkunar að sjá þær framfarir sem þessar endurbætur munu hafa í för með sér fyrir iðkendur deildarinnar í framtíðinni.“

Saman stöndum við sterkari!

Takk fyrir okkur!