Afturelding

Ungmennafélagið Afturelding var stofnað 1909. Innan félagsins eru starfræktar 11 deildir sen eru með barna-, unglinga- og fullorðnsstarf. Að baki félaginu starfa svo yfir 150 sjálfboðaliðar sem tryggja starfsemi félagsins með því að gefa tíma sinn og vinnu í þetta mikilvæga starf sem Afturelding heldur úti. Starf sjálfboðaliða er félaginu lífsnauðsynlegt og án þeirra væri ómögulegt að halda úti jafn blómlegu íþróttastarfi og við Íslendingar þekkjum.

Meistaraflokkar félagsins eru andlit félagsins út á við. Leikmenn meistaraflokka eru miklar fyrirmyndir yngri iðkenda og hefur starfsemi þeirra mjög jákvæð áhrif á starfsemi félagsins í heild sinni.

Starf meistaraflokka félagsins er einkum fjármagnað með styrkjum frá sveitarfélagi, fyrirtækjum og einstaklingum. Afturelding heldur úti sex meistaraflokkum í blaki, handbolta og knattspyrnu. Afturelding leikur í efstu deildum í blaki, handbolta og knattspyrnu, karla og kvenna.
Stefnir Afturelding að því að eiga lið í öllum efstu deildum innan tíu ára í þessum þremur íþróttagreinum.

Afturelding er rótgróið íþróttafélag sem leggur áherslu á að sinna barna- og unglingastarfi af kostgæfni. Félagið vill stuðla að því að ala upp afreksíþróttafólk í fremstu röð og gefa ungu fólki tækifæri til að móta og þróa hæfileika sína. Áhrif íþrótta á börn og ungt fólk eru ótvíræð en rannsóknir sýna að góður árangur í íþróttum og íþróttaástundun ýtir undir bættan árangur í námi.

Afturelding leggur metnað sinn í að bjóða upp á framúrskarandi þjálfun og að bjóða ungum iðkendum upp á fjölbeytt framboð af íþróttum. Í samstarfi við Mosfellsbæ er aðstaða félagsins einnig að taka stakkaskiptum og eru mjög spennandi tímar framundan í íþróttalífi Mosfellsbæjar.

Formaður Aftureldingar er Birna Kristín Jónsdóttir.

Heimilisfang: Íþróttamiðstöðin Varmá 270 Mosfellsbær
Sími:  566 7089
Netfang: umfa@afturelding.is

Merki félagsins í prentupplausn

Formannatal Aftureldingar: 

Nafn: ártal:
Guðbjörn Guðmundsson 1922-1927
Guðrún Björnsdóttir  1927-1928
Arngrímur Kristjánsson 1928-1929
Guðbjörn Guðmundsson 1929-1931
Gestur Andrésson 1931-1935
Skúli Þorsteinsson 1935-1939
Ólafur Þorsteinsson 1939-1942
Páll S Pálsson 1942-1943
Gísli Andrésson 1943-1950
Axel Jónsson 1950-1956
Ármann Pétursson 1956-1959
Páll Ólafsson 1959-1963
Haukur Hannesson 1963-1965
Úlfar Ármannsson 1965-1966
Gestur Guðmundsson 1966-1968
Ingólfur Ingólfsson 1968-1969
Pétur Þorsteinsson 1969-1970
Sigurður Skarphéðinsson 1970-1973
Ólafur Oddsson 1973-1975
Páll Aðalsteinsson 1975-1980
Jón Ármann Héðinsson 1980-1981
Kristján Sveinbjörnssno 1981-1985
Katrín Gunnarsdóttir 1985-1986
Ólína Sveinsdóttir 1986-1987
Hafsteinn Pálsson 1987-1992
Hraunar Daníelsson 1992-1993
Svanur Gestsson 1993-2000
Valdimar Leó Friðriksson 2000-2009
Jón Pálsson 2009-2011
Hreiðar Örn Zoega Stefánsson 2011-2011
Sævar Kristinsson 2011-2012
Guðjón Helgasson 2012-2015
Dagný Kristinsdóttir 2015-2018
Birna Kristín Jónsdóttir 2018-