Æfingagjöld

TÍMABILIÐ 2021-2022

Verðskrá SKILMÁLAR

Forráðamaður ber ábyrgð á skráningu og greiðslu í gegnum skráningarkerfið Sportabler (Sportabler.com/shop/afturelding) eða (www.afturelding.is > Skráning iðkenda, dálkur efst til hægri).

Forráðamaður ber ábyrgð á að allar upplýsingar séu rétt skráðar, þ.m.t netföng, símanúmer og heimilisföng. Nauðsynlegt er að skrá gild netföng og símanúmer bæði hjá forráðamanni sem og iðkanda.

Ef forráðamáður vill nýta frístundaávísun Mosfellsbæjar er það gert samhliða skráningu á námskeið í Nora áður en gengið er frá greiðslu.

Veittur er 10% systkinaafsláttur og 10% fjölgreinaafsláttur innan sama æfingatímabils. Afslættir reiknast sjálfvirkt frá og með skráningu númer tvö.

Greitt er með kreditkorti eða greiðsluseðlum sem birtast eingöngu í netbönkum. Hægt er að dreifa greiðslum innan hvers tímabils bæði með kreditkorti eða greiðsluseðlum. Fyrir hvern útgefin greiðsluseðil innheimtist sérstakt seðilgjald kr. 390.

Miðað er við að æfingagjöld séu greidd í upphafi tímabils og eigi síðar en tveimur vikum eftir að iðkandi hefur æfingar. Sé það ekki gert er Knattspyrnudeild heimilt að skrá iðkanda og gefa út greiðsluseðill fyrir æfingagjöldum samkvæmt verðskrá án afslátta og frístundaávísunar.

Þegar nýr iðkandi hefur æfingar má hann, einu sinni á ári, stunda æfingar í allt að tvær vikur áður en æfingagjöld eru innheimt. Ef hann hættir innan þess tíma þarf ekki að greiða æfingagjöld. Ef iðkandi æfir lengur en í tvær vikur skal greiða fyrir allt það tímabil sem hann hóf æfingar á.

Ef iðkandi hættir æfingum innan tímabils eru æfingagjöld ekki endurgreidd nema ef um alvarleg veikindi eða meiðsl er að ræða. Í slíkum tilfellum skal sækja um endurgreiðslu til Barna- og unglingaráðs eða á skrifstofu félagsins. Sá hluti sem greiddur er með frístundaávísun fæst ekki endurgreiddur.

Greiðsla æfingagjalds er forsenda fyrir þátttöku á æfingum og keppni. Mikilvægt að hafa samband við skrifstofu Aftureldingar ef um fjárhagserfiðleika er að ræða og finna úrlausn sem leiðir til áframhaldandi þátttöku iðkandans.

Séu eldri æfingagjöld ógreidd er óheimilt að skrá iðkanda á nýtt tímabil nema vanskil séu uppgerð. Heimilt er útiloka iðkanda frá æfingum og keppni séu eldri æfingagjöld í vanskilum.

Hafi ekki verið gengið frá greiðslu æfingagjalda 15 dögum eftir að tímbil hefst eða ekki staðið við greiðslur samkvæmt skráningu má forráðamaður búast við gjaldið verði innheimt með tilheyrandi kostnaði, sbr. innheimtulög nr. 95/2008 og reglugerð nr. 37/2009. Tíu dögum eftir útsendingu innheimtuviðvörunar er krafan flutt til Motus til milliinnheimtu. Beri milliinnheimta ekki árangur má búast við að gjöldin verði send í löginnheimtu. Samhliða innheimtuaðgerðum er heimilt að útiloka iðkanda frá frekari æfingum og keppni.

Frístundaávísun

Frístundaávísun er 52.000 kr. en hækkar fyrir þriðja barn upp í 60.000, einnig fyrir fjórða og fimmta barn o.s.frv.. Þetta á við um fjölskyldur sem skráð eru með sama lögheimili og fjölskyldunúmeri hjá foreldra.

Minningarsjóður Guðfinnu Júlíusdóttur og Ágústínu Jónsdóttur

Barna- og unglingaráð vill sérstaklega minna á Minningarsjóð Guðfinnu Júlíusdóttur og Ágústínu Jónsdóttur sem m.a. styrkir efnaminni leikmenn til þáttöku í íþróttum með Aftureldingu:

Hlutverk sjóðsins kemur fram í 2. grein úthlutunarreglna hans:

2. grein – Tilgangur og hlutverk
Tilgangur sjóðsins er að styrkja starfsemi yngri flokka, styrkja efnaminni leikmenn til þátttöku og veita leikmönnum yngri flokka Ungmennafélagsins Aftureldingar ferðastyrkt til keppnisferða eða þjálfunarferða sbr. ákvæði í 3.gr. skipulagsskrár. 

Tekið er við umsóknum í sjóðinn allt árið.  Sjá nánar á svæði Aðalstjórnar:
https://afturelding.is/afturelding/minningarsjodur.html