Stefna fimleikadeildar Aftureldingar sl. 4 ár er loksins að verða að veruleika.

Núna um helgina mun deildin spila fram liði í meistaraflokksdeild. Áskorun deildarinnar hefur lengi verið að ná iðkendum upp í elstu deild en núna um helgina mun í fyrsta skipti í sögu deildarinnar stíga á stokk meistaraflokkur Aftureldingar í hópfimleikum.

Mótið um helgina verður haldið á Skaganum eða í húsum ÍA núna á sunndaginn 1. mars og hvetjum við alla sem komast að gera sér ferð á Skagann til að bera þessa sögulegu stund augum.

Þeir sem komast ekki geta fylgst með liðinu inn á Instagram á reikningi sem heitir mfl.afturelding.mix.

Virkilega gaman að sjá svona verkefni eins og meistaraflokk deildarinnar verða að veruleika og þetta lið á eftir að vera góð fyrirmynd fyrir komandi kynslóðir í fimleikum.

Hér má sjá myndskot af myndbandi inn á Instagram þar sem meistari Ármann er að gera 3x heljarstökk með hálfri skrúfu í einu hoppi.