Afturelding hefur þann heiður að halda lokamót Íslandsmóts 7. flokks karla, strákar fæddir 2013, í körfubolta helgina 8.–10. maí. Mótið fer fram í íþróttamiðstöðinni að Varmá í Mosfellsbæ , A & B riðlar er spilaður uppi í keppnissalnum okkar, bláa salnum og C,D,E riðlar eru spilaður í neðri salnum á þremur völlum. Allar upplýsingar eru í inngangi hússins við komu.

Alls verða spilaðir 70 leikir yfir helgina og spennan nær hámarki á sunnudeginum þegar Íslandsmeistarar verða krýndir. Það er því ljóst að framundan er sannkölluð körfuboltaveisla fyrir leikmenn, þjálfara og áhorfendur. Boltinn byrjaði að skoppa í kvöld með 7 leikjum og hefst klukkan 9 á laugardagsmorgun og stendur til að verða 20:00 annað kvöld.

Fyrsti leikur fer af stað, Valur á móti Fjölni.

Þetta er í fyrsta skiptið sem við í Aftureldingu höldum svona stórt en 35 lið mæta til leiks svo þetta er mjög veglegt mót og það væri frábært að sjá góða mætingu fá okkar fólki á pallanna að styðja við starfið okkar.

Keppendur og gestir geta einnig notið þess að sundlaugin að Varmá er opin öllum sem vilja slaka á að leikjum loknum, frítt fyrir börn undir 17. ára  Þá er einnig gaman að segja frá því að Mosfellsbær býður upp á fjölbreytta og skemmtilega afþreyingu, auk fíns úrvals veitingastaða fyrir þá sem vilja gera vel við sig eftir leiki dagsins.

Ármann vs. Stjarnan.

Þeir sem ekki eiga kost á að mæta að Varmá og fylgja sínum liðum geta fylgst með mótinu í beinni útsendingu á KKÍ TV, þar sem leikir í A og B riðli verða sýndir alla helgina.

Við sem stöndum að starfinu í Aftureldingu hlökkum mikið til að taka á móti öllum okkar körfuboltavinum og skapa jákvæða stemningu yfir helgina.

Stjarnan vs. Keflavík.

Kærar körfubolta kveðjur frá Aftureldingu