Í gær hélt U15 ára landslið Íslands í körfubolta til Kisakallio í Finnlandi þar sem liðið tekur þátt í Norðurlandamótinu. Við hjá KKD Aftureldingu erum afar stolt af því að Hlynur Logi Ingólfsson, einn af okkar þjálfurum, sé hluti af þjálfarateymi U15 landsliðsins. Það er alltaf ánægjulegt og mikil viðurkenning þegar þjálfarar úr okkar röðum fá tækifæri til að taka þátt í landsliðsverkefnum á vegum KKÍ.

Hlynur þekkir landsliðsumhverfið vel, en hann klæddist sjálfur landsliðstreyjunni á sínum yngri árum sem leikmaður. Nú er hann kominn inn í nýtt og spennandi hlutverk sem þjálfari – eitthvað sem við erum virkilega stolt af. Við óskum Hlyni, leikmönnum og öllu landsliðsteyminu innilega góðs gengis á Norðurlandamótinu!

Hægt er að fylgjast með mótinu og úrslitum á kki.is.