Starfinu í körfuknattleiksdeild Aftureldingar hefur vaxið fiskur um hrygg undanfarin ár.  Það er ekki síst yfirþjálfara deildarinnar, Sævaldi Bjarnasyni, að þakka sem kom að deildinni árið 2015 og voru þá um 15 iðkendur í deildinni en nú 9 árum seinna eru iðkendur orðnir rúmlega 160 og fjöldin því tífaldast á þessum tíma.  Stjórn deildarinnar hefur nú gert samning við Sævald um áframhaldandi starf fyrir deildina sem yfirþjálfari til næstu tveggja ára.

„Spennandi tímar framundan hjá okkur, hlakka til að fá að fylgja áfram ykkur og starfinu.  Stefni á að gera mitt allra besta áfram og þakka ævinlega það traust sem mér er sýnt„, sagði Sævaldur eftir að hann og formaður deildarinnar, Heiðar Logi Jónsson, undirrituðu samninginn.

„Það er mikil ánægja hjá stjórninni að Sævaldur, sem er reynslumikill þálfari bæði hjá félagsliðum og í landsliðsverkefnum KKÍ, er tilbúinn að leiða okkar frábæra starf áfram.  Við hlökkum til að efla og styrkja deildina enn frekar með hans aðstoð„, sagði Heiðar Logi að sama tilefni.

Á myndinni má sjá Heiðar Loga og Sævald handsala samninginn 22. mars s.l.

Áfram Afturelding karfa!

Stjórn körfuknattleiksdeildar Aftureldingar