Íþróttaleikarnir Reykjavík International Games (RIG) voru haldnir dagana 21. – 26.  janúar 2026. Þetta var í 19 sinn sem leikarnir voru haldnir og fjórtánda sinn sem Karatesamband Íslands tekur þátt. Karatehluti RIG var haldinn í íþróttahúsi Víkings laugardaginn 24. janúar 2025. Keppendur voru 74 talsins frá 13 félögum, þar af 12 erlendir keppendur, einn frá Póllandi, tveir frá Frakklandi og 9 fá Lettlandi en Lettneska landsliðið sendi þá keppendur á mótið.

Alls tóku átta keppendur frá Aftureldingu þátt í mótinu og náðu þeir þeim frábæra árangri að lenda í sjöunda sæti félaga á mótinu með eitt gull, eitt silfur og eitt brons. Að þessu sinni náðu ekki allir keppendur sér ekki á strik í keppninni, en frammistaða þeirra var til fyrirmyndar og þátttakan fer í dýrmætan reynslubanka. Því miður varð Raul að hætta keppni eftir að hafa slasast á öxl í bardaga 2.

Þrír keppendur kepptu um brons, Alex, Bjarki og Eva en aðeins Evu tókst að næla sér í bronsið. Kristíana og Robert kepptu bæði í úrslitum og vann Kristíana flokkinn sinn og fékk gull en Robert fékk silfur.

Keppendur og verðlaun

• Alex Bjarki Davíðsson – Kata male cadet – 5. sæti
• Aron Trausti Kristjánsson – U14 kata male – þátttaka
• Bjarki Hrafnsson – U14 kata male – 5. sæti
• Daníel Þór Kristjánsson – U14 kata male – þátttaka
• Eva Jónína Daníelsdóttir – Kata female cadet – 3. sæti 
• Kristíana Svava Eyþórsdóttir – Kata female cadet – 1. sæti – Reykjavíkurmeistari
• Raul Emilio Abreu Bermudez – Kata male senior – þátttaka
• Raul Emilio Abreu Bermudez – Kumite senior male open – þátttaka
• Robert Matias Benita – Kata male cadet – 2. sæti 

Anna Olsen dæmdi á mótinu fyrir hönd Aftureldingar og Willem C. Verheul var þjálfari og liðsstjóri.

Úrslit mótsins má finna hér.

Kristíana, Eva, Bjarki, Daníel, Aron og Robert. Á myndina vantar Alex og Raul.

Alex að keppa um brons

Raul að keppa í kata