Það var mikið um dýrðir um helgina þegar iðkendur fimleikadeildar Aftureldingar mættu til leiks á Bikarmótið sem fram fór í Egilshöllinni. Deildin sendi vaskan hóp keppenda til leiks og var ekki annað að sjá en að gleðin og metnaðurinn væru við völd.

Afturelding átti fulltrúa í 3. flokk, 2. flokk og 1. flokk og stóðu liðin sig með mikilli prýði. Tæknin var til fyrirmyndar og ljóst að mikil vinna hefur verið lögð í undirbúninginn hjá bæði iðkendum og þjálfurum.

Árangurinn lét ekki á sér standa en 3. flokkurinn okkar náði Bikarmeistaratitlinum í stökkfimi, 2 flokkurinn náði 2. sæti og 1. flokkur hreppti bronsið.

Það var þó ekki bara árangurinn á vellinum sem gladdi, heldur var liðsandinn og stuðningurinn á milli iðkenda til fyrirmyndar. Það er augljóst að bjart er framundan hjá fimleikafólki Aftureldingar.

Fimleikadeildin óskar iðkendum og þjálfurum innilega til hamingju með glæsilega helgi!

Hér má sjá skemmtilegar myndir af hópunum.