Meistaraflokkur fimleikadeildar Aftureldingar

Síðastliðin helgi var söguleg fyrir fimleikadeild Aftureldingar, í fyrsta sinn í sögu deildarinnar keppti lið á vegum Aftureldingar í meistaradeild. Deildin hefur áður keppt í meistaradeild en það hefur einungis tekist í samspili með fimleikadeild ÍA. Á íslandi eru 29 fimleikafélög, fáum hefur tekist að ná iðkendum upp í fullorðinsflokk og einungis tveimur til þremur félögum hefur tekist að halda úti meistaraflokki í 5 ár eða lengur. Það er ekki langt síðan fimleikadeild Aftureldingar átti erfitt með að halda uppi 14-15 ára unglingaliði, þegar þangað var komið flosnaði alltaf upp úr hópnum.

Fyrir 4 árum fór fram stefnumótun hjá deildinni þar sem þjálfarar og stjórn komu saman. Tveir valmöguleikar voru á borðinu, deildin tekur stefnuna á að vera gott uppeldisfélag eða allt verður lagt í að byggja upp meistaraflokk. Seinni stefnan varð fyrir valinu, deildin vill hafa öflugar fyrirmyndir fyrir þá sem æfa fimleika í Mosfellsbæ.

Þjálfarar og iðkendur hafa lagt mikið á sig til að komast hingað og hefur deildin stutt við bakið á þeim með meistaraflokksráði, menntun, vettfangsferðum, fjármöflun og aðkomu sérfræðinga til að styrkja umgjörðina.

Það verður gaman og hvetjandi að fylgjast með þessum flotta liði stækka, efla sig og halda stolti fimleikadeildar Aftureldingar hátt á lofti. Hægt er að fylgjast með þróun mála á Facebook, Instagram og heimasíðu Aftureldingar.

Hér eru myndir af nýja liðinu með viðurkenningu fyrir fyrsta mótið sem meistaraflokkur frá meistaraflokksráði deildarinnar.

Glæsilegur hópur.