Sumarstarf Hjóladeildar Aftureldingar hefst 14. apríl og stendur til 1. október. Boðið er upp á fjölbreytta dagskrá fyrir alla aldurshópa – börn, ungmenni og fullorðna.

Sumarnámskeið barna (7–10 ára)

Haldin verða sumarnámskeið fyrir börn á fjallahjólum. Námskeiðin henta vel sem kynning á fjallahjólaíþróttinni.

Námskeiðin verða í þrjár vikur frá 15. júní til 3. ágúst bæði fyrir og eftir hádegi.
Nánari upplýsingar og skráningu er að finna hér.

Ungmenni (10–17 ára)

Fjallahjólaæfingar tvisvar í viku, þriðjudaga og fimmtudaga kl. 17:45. Lagt er af stað frá Varmá í Mosfellsbæ. Æfingarnar standa frá 14. apríl til 1. október og eru undir leiðsögn þjálfara. Æfingarnar henta öllum sem vilja komast í gang á fjallahjólinu, hvort sem þau eru byrjendur eða lengra komin.

Nánari upplýsingar og skráningu er að finna hér.

Fullorðnir (18 ára og eldri)

Samhjól fullorðinna fara fram þrisvar í viku: þriðjudaga og fimmtudaga kl. 17:30 og laugardaga kl. 09:00. Lagt er af stað frá Varmá. Öll fjallahjól og rafmagnsfjallahjól eru velkomin. Rafmagnshjólahópur er í boði á þriðjudögum og fimmtudögum. Á laugardögum eru lengri ferðir eftir atvikum.

Kvennasamhjól

Skipulögð sem sérstakir viðburðir fyrir fjallahjól og rafmagnsfjallahjól. Nánari upplýsingar í Facebook-hópi meðlima.

Mót og viðburðir sumarið 2026:

16. maí — Shorttrack Reykjalundi
28. júní — DH Úlfarsfelli (fjallabrunskeppni)
15. ágúst — Reykjamótið (Íslandsmót XCM)
27. ágúst — Fellahringurinn

Hjálmur er skylda í öllum ferðum og viðburðum. Mælt er með hlífðarbúnaði í mótum.

Fyrir þá sem hafa áhuga á götuhjólreiðum, er einnig hægt að mæta á æfingar hjá Víkingum.
Upplýsingar um götuhjólaæfingar er að finna á vikingur.is/hjolreidadeild

Nánari upplýsingar: Facebook-hópur Hjóladeildar Aftureldingar.

Skráning og upplýsingar:

➡️ Skráning fer fram í gegnum Abler:
🔗 sportabler.com/shop/afturelding/hjol

➡️ Upplýsingar um æfingagjöld:
🔗 afturelding.is/hjol/aefingagjold/

➡️ Tímatöflur og dagskrá:
🔗 afturelding.is/hjol/timatoflur/