Félagið hefur verið í samstarfi við Fram í þessum aldursflokki og sameiginlegt lið frá Fram og Aftureldingu hefur tekið þátt í Íslandsmótinu í sumar með prýðis árangri. Liðið tók einnig þátt í Rey-Cup sem fyrr segir og er skemmst frá að segja að stelpurnar gerðu sér lítið fyrir og unnu mótið með glæsibrag.

Fram/Afturelding fór taplaust í gegnum mótið og vann heimastúlkur úr Þrótti í úrslitaleik og hampaði því bikarnum í mótslok.

Knattspyrnudeild óskar þeim til hamingju með árangurinn og sömuleiðis þjálfurum þeirra sem eru þeir Bill Puckett frá Aftureldingu og Unnar Jóhannsson frá Fram.