Það er lið Leiknis frá Fáskrúðsfirði sem mætir okkar mönnum á Varmárvelli á fimmtudag (sumardaginn fyrsta) kl 13:00. Hin liðin í undanúrslitum eru Völsungur og Sindri og munu sigurliðin úr undanúrslitum spila til úrslita á sunnudaginn.

Leiknir komst áfram sem það lið í 2.sæti síns riðils með bestan árangur en Afturelding tryggði sér sigur í sínum riðli með góðum sigri á Tindastól fyrir norðan um síðustu helgi.

Strákarnir okkar unnu fjóra leiki og gerðu eitt jafntefli og unnu riðilinn með markatölunni 21-7 þannig að þeir eru að líta alveg prýðilega út þegar innan við þrjár vikur eru í að Íslandsmótið hefjist.

Knattspyrnudeild hvetur Mosfellinga til að viðra sig á sumardaginn fyrsta og kíkja á gerfigrasið að Varmá og hvetja strákana til sigurs.