Liðið mætti Þrótti í undanúrslitum á laugardagsmorgun og hafði betur 4-0. Leikurinn var jafn í upphafi og bæði lið áttu sín færi en það var Eva Rún Þorsteinsdóttir sem skoraði fyrsta mark leiksins eftir sex mínútur.

Stefanía Valdimarsdóttir bætti við marki rétt fyrir leikhlé og svo öðru strax í upphafi síðari hálfleiks og Kristín Þóra Birgisdóttir innsiglaði svo sigur Aftureldingar um miðjan hálfleikinn og úrslitin því 4-0.

Afturelding mætir Álftanesi í úrslitaleik á sunnudag í Laugardalshöll kl 11:30 og eru áhugamenn um knattspyrnu hvattir til að kíkja í Höllina og styðja við bakið á stelpunum okkar.

Meðfylgjandi mynd var tekin í undankeppninni að Varmá í síðasta mánuði af hluta liðins.