Þátttakendur verða undir stjórn þjálfara frá Liverpool International Football Academy og mun hver þeirra stýra hópi með um 16 börnum. Þeim til aðstoðar verða íslenskir þjálfarar auk yfirþjálfara. Skipt verður í hópa eftir aldri og boðið upp á markmannshóp að venju.

Sú nýbreytni er að boðið verður upp á námskeið á Akureyri í samstarfi við Þór. Haldin verða tvö námskeið. Á Tungubökkum í Mosfellsbæ 6.- 8. júní og á Akureyri  9.- 11. júní.

Skólinn hefur verið vel sóttur og tekist einstaklega vel síðustu tvö ár. Markmiðið er að sjálfsögðu að gera enn betur í ár. Þátttaka er takmörkuð og því mikilvægt að tryggja sér sæti sem fyrst. Kynningarefni hefur verið sent á öll netföng á skrá hjá knattspyrnudeild.

Nánari upplýsingar eru veittar um netfangið lfca@simnet.is